匆匆一生 獨自上途 閻奕格

說閻奕格，你未必認識；要是說陶子陶晶瑩口中的「閻羅王」，你大概在YouTube上見過其人、聞過其巨肺聲。閻奕格從未出過個人專輯，沒有一首專屬歌曲，唱的是別人的歌，但是她在香港舉行《我回來了演唱會》，首場只消七分鐘售罄，臨時加開一場，三千多張門票則在數分鐘內被秒殺，拍得住「Lady加場」。 年僅廿二歲，兩年前以港人身份踩台灣《超級星光大道》場，繼而贏得《星光傳奇賽》冠軍，揚威紅返香港，閻奕格未因而升上雲端，她以一口流利廣東話說：「完全冇諗過會有咁好0既反應，我唱歌係因為自己鍾意，家有咁0既成績，信心係多0左0既。」 閻奕格的「鍾意唱歌」，是遺傳自身兼香港中樂團藝術總監及首席指揮的父親閻惠昌，和古箏演奏家母親熊岳，父母的音樂細胞，是她的先天寶藏，也令她擁有一個與別不同的童年，「爹0地媽咪都覺得音樂路唔好行，付出多，細個0既時候我因為佢0地0既工作而成日0係唔同0既地方住。不過，佢0地都畀我做自己喜歡做0既事，就算唔0係我身邊支持，佢0地all the way都係鼓勵我0既。」 不用人生教練，閻奕格也知道自己後天的道路要怎麼走，唱別人的歌，風光還是歸於她自己。 It Makes Me That Much Stronger 身高約五呎三的閻奕格，體形嬌小，與她的巨肺式歌聲成強烈對比。她生於音樂世家，自幼便在DNA巧妙的編排下，對音樂的感應特別敏感，胎教時期聽歌劇《Porgy and Bess》中的〈Summertime〉，兒時在北京、新加坡及香港，學彈鋼琴、跳芭蕾舞及學國畫，大包圍下，閻奕格選了唱歌。「爹0地媽咪冇刻意安排我學咩樂器，只係學最普通0既鋼琴，唱歌都係我自己覺得有興趣，加上F.1時唱〈卡門〉攞到學校歌唱比賽冠軍，就開始學唱歌。」 「不過，佢0地初時都幾反對我行唱歌呢條路，我諗因為佢0地都係走類似0既路，知道呢條路唔穩定，付出同收穫未必成正比，所以就唔鍾意我咁啦！0係我十二、三歲左右，我寫0左封信畀爹0地，半求半威脅咁請佢畀我學唱歌，哈哈！我話，如果佢想我好好讀書，就要好好地畀我學唱歌0者。」 很難想像，閻奕格生於九十後卻用最原始的文字向父母表達訴求，九○年生於北京，因父母工作關係，去過新加坡居住八年，在十一歲時才來港居住的她，核心價值跟土生土長的香港人無異，就是自由，最簡單的訴求，只是學習唱歌。 「唱歌係我表達自己的方法，我聽好多歌，唔係特別聽中樂，唔係咁cool啦可能係，反而聽好多外國0既古典、流行音樂。到參加比賽，我先發現自己0係台上面完全唔同，唔會好似平時咁怕醜。 「就算對住一0的好好0既朋友，好似我0係Boston0既room mate、或者香港0既朋友咁，我都係唔會同佢0地講關於我唱歌0既0野，但係0係台上唱歌，我可以跳舞可以做到平時唔敢做0既事。」 用菲林 充實我眼光 在台上我覓理想，閻奕格的理想並非走紅，當向她提及她於《超級星光大道》踢館，演唱Christina Aguilera的〈Fighter〉，表現一鳴驚人，在YouTube上有過一百六十萬點擊率時，她面紅，附帶一句：「係咩？」稱她「閻羅王」，她面更紅，還以手掩面，靦覥的道：「哎呀！唔好咁叫我呀！」跟這個懾人的稱號，截然不同。 「我唔想睇自己係咪紅、多唔多人識，我要睇0既係自己有冇進步，參加比賽，係令我自己冇咁大壓力，明白順其自然0既重要性。」 訪問當日，氣溫達攝氏二十七度，閻奕格還喝著暖水養聲，比常喝凍檸茶的七十後更養生之道。「我好少去night club（即蒲），只係有時朋友生日先會去一陣。0係West Island（英基西島中學）讀書0既時候，成日去銅鑼灣，去金百利shopping，去銅鑼灣地帶0既rbt（仙蹤林）飲珍珠奶茶。有一次搭的士，聽到收音機播緊Eason0既〈Shall We Talk〉，我就開始聽廣東歌。」 嬌小的閻奕格，對數碼產品極有研究，拍照時見攝影師所用的攝影機：「原來香港咁多攝影師用Canon0既，我用Nikon0架……（下刪其用家感想）。我會同爹0地研究呢0的電子科技0既0野，相機、電話，好似朋友咁。」 青春期於香港度過，閻奕格卻在台灣開始歌唱生涯，源於一個老掉大牙的故事，「0係Boston讀書0既時候，我有個朋友見到《星光大道》招募踢館人0既網上廣告，於是就send0左一段我唱歌0既片過去，跟住我就去0左台灣比賽。」 我不是 你想像那麼勇敢 時為一○年三月，當時香港還未有《超級巨聲》，遠赴台灣的閻奕格在踢館賽上技驚四座，後來她更休學參加節目衍生的番外篇《星光傳奇賽》，更贏得冠軍而回。其後她返回波士頓大學繼續學業，負笈彼邦，她並非如甩繩馬騮，甚至連自己的座駕也沒有，「Boston有metro（地下鐵）好方便，我由屋企返學可搭巴士，試過好凍0既時候，我連開口叫我room mate（女同房）車埋我返學都唔敢，始終好似煩到人咁，所以我都係自己搭車。」 說她「硬頸」，閻奕格即以少女聲笑道：「係呀！家好0左0架0勒！好耐之前我爹0地畀佢一個朋友睇過我以前0既名『閻一格』，佢朋友話：『咦，你個女好硬頸喎。』於是提議我改名閻奕格，唔知係咪心理作用，我又覺得冇以前咁執著。」 少了執著，閻奕格仍有堅持，「《星光》0既時候都有老師（F.I.R.隊長陳建寧）建議我可以即刻入行出唱片，但係我覺得自己要有一個degree，所以返Boston讀埋個Econ（經濟學）degree。如果唔入行，其實我細個0既時候好想做老師，我係會閂埋房門，將我0的公仔當做學生0架。哈哈！」 閻奕格九○年於北京出生，因父親閻惠昌工作的關係，她三歲便到新加坡居住，到十一歲來港定居，十八歲負笈波士頓。 閻母熊岳不捨女兒隻身留台，在閻奕格參加《星光傳奇賽》後期，即一○年八月時，到台北親身支持愛女。 一○年三月，閻奕格到台灣參加《第六屆超級星光大道》的踢館賽，首賽就是唱Christina Aguilera的名曲〈Fighter〉，YouTube上獲超過百六萬點擊率。 當屆冠軍為主唱〈那些年〉的胡夏，而閻奕格（左）三戰全勝的成績，被陶子（右）稱為「閻羅王」。 一歲多的閻奕格還在北京居住，眼仔碌碌喝著疑似益力多。 在香港短住時，閻奕格快將三歲。 九三年，閻奕格與父母到香港短住，至八年後才定居香港。 閻惠昌（右）知道女兒名字會令她做人頑固，故「閻一格」就成為現時有知名度的「閻奕格」。 閻奕格（右）在波士頓大學攻讀經濟學，萬聖節時還會與同學扮鬼扮馬應節。 在外要自己照顧自己，閻奕格會上網找尋食譜，然後在家下廚。 大學畢業後，閻奕格（右一）正式入行，她正籌備演唱會及大碟，還與台星倪安東（右二）出席慈善活動。 撰文: 畢芳圓 攝影: 張家宜 化妝: Jan Chan@Annie G.Chan 髮型: Louis Tse @P.O.P Hairdressing 服裝: ing@利時 設計: 洪萌雅