北角開槍案家屬開腔｜死者無襲擊前科 患思覺失調體會病人苦況 信佛捐款助人｜Yahoo

【Yahoo 新聞報道】患有思覺失調的李姓男子遭警員開槍制服，送院不治。 家人透露，死者患病長達七年，但期間定時覆診及接受治療，也沒有襲擊前科，「螞蟻都唔忍心傷害」；家人過往也曾報警求助，每次警員均成功將他送院，豈料今次搞出人命。年近七旬的李母飲泣稱，兒子生前樂於助人，篤信佛教，曾捐款到慈善機構，難以接受他死於非命，望社會還他公道，「我兩分鐘無咗個仔，我可以點呀？」

「想講多啲我細佬嘅為人！」李兄繼到警總申訴後，早前再次約見傳媒，講述弟弟生前經歷。死者篤信佛教，「平時有念經，有話過想成佛」，七年前開始患上思覺失調後，「講過有呢個病好痛苦，所以想幫人」。

李妻亦向記者展示慈善機構寄予死者的信件，指任職油漆工的死者「賺到幾多就捐更多」。今年 68 歲的李母亦透露死者生活簡樸，「著 15 蚊衫褲，食齋都好知足，話自己食得好好喇！」又記得他曾提及：「有錢唔好大手大腳，要留錢畀有需要嘅人」，例如死者曾捐款予「護瞳行動」，並稱「對眼睇唔到嘢好可憐，無睇到天、無睇到樹木、無睇到花草係好慘」。李父續稱，兒子活了 30 多年來，未曾與人打架。他由油漆學徒做起，其後成為判頭，是個有責任心的人，家中不少電器及衣履也是死者負責添置。

家人曾多次報警求助 警察警棍戒備送院

據李父的印象，家人曾因死者發病而兩至三度報警，但強調他未曾襲擊別人。過往警方到場時「拎警棍，兩三個人夾走佢，有次（警員）就同佢商量吓，你去醫院醫吓啦，之後用手拉佢走」。李父又指死者更曾主動求醫，「試過自己知道自己病情唔好，自己要求入院，有時住兩三個月」。李妻則透露，因死者不想家人擔心，一直定時覆診及接受藥物治療，「一個月打一次針」，她與家人亦放心，認為他可控制情緒問題，加上他本性善良，「屋企有螞蟻都唔忍心傷害」。直至死者於 9 月 13 日最後一次覆診及注射精神科蘗物針後，出現情緒問題，「無啦啦扔咗本佛書，不停問佢咩事佢都無答，問佢要唔要去醫院佢唔肯」，但強調丈夫當時思維清晰。

「老公死得太慘，唔出嚟唔得」

李妻與李母訪問期間聲淚俱下，多次需暫停休息。李妻自丈夫死後茶飯不思，「日日瞓得一兩個鐘，食唔落瞓唔到，個心好痛」，「我真係好內疚，係咪我害死佢？......一槍打死佢，而家成個屋企都無希望」。訪問當日她戴上黑色漁夫帽、太陽眼鏡及戴上口罩，因早前到警總申訴後在網上掀起廣泛討論，令她倍感壓力，但仍決意受訪，「我老公生命都係生命，我覺得警方係過度執法，我好細膽，但老公死得太慘，唔出嚟唔得」。

李妻多年前於交友軟體「QQ」上認識死者，在深圳約會。雖然他「以前有社恐」，不太懂與人相處，但本性善良，「好識氹人開心，佢話會一生一世對我好，又係非常之有心經營屋企嘅人，佢暖到我個心」。兩人於 2014 年結婚，她亦於 2018 年來港定居，即使婚後丈夫患上思覺失調，情緒大起大落，她亦不離不棄，「因為佢真心對我好」，亦強調不想社會歧視精神病人。她形容死者遺體「眼都未合埋」，「之前仲同佢一生一日白頭到老……我都唔知點算」。

「我哋個心好痛」

自丈夫去世以來，李妻心中一直有根刺。她希望公開澄清，丈夫在警察到場前，並未手執刀及剪刀等武器，「唔好屈佢……佢畀人打死咗，仲畀人冤枉佢係不孝子」，強調「佢無攞刀……我哋個心好痛……有刀就唔會咁（意指家人並無受刀傷）」。李母則希望社會可以還兒子一個公道，「我兩分鐘無咗個仔，我可以點呀？」