區議會選舉・邊境票站｜衝刺投票畫面不復見 選民：制度改變致投票率低

接駁巴士晚上 9 時無人搭

上水共設兩個「鄰近邊境票站」，港島及九龍的選民需到香港道教聯合會鄧顯紀念中學投票，而新界區選民則在東華三院甲寅年總理中學投票。政府特設接駁巴士接送選民由上水港鐵站到兩個票站。於晚上 9 時，記者嘗試乘搭接駁巴士，但並未見有市民乘搭。

由於票站電子選民登記冊故障，票站改為人手派票，站外有公告提醒市民投票時間延長至午夜 12 時。至晚上 10 時，兩個票站只有零星市民投票，未見人龍。有市民投票後手持心意卡於票站外「打卡」。兩個票站外一度約 10 個警員駐守，包括機動部隊。

於晚上 11 時 40 分，至少 20 名警員重返票站駐守，但往日選民最後衝刺投票的畫面已不復見。

選民：候選人增加選擇更多

任職政府的黎先生於廣州回港投票，他本身為深水埗選民，坦言不認得候選人，但會依照政綱投票，「都係關啲自己權益事嗰啲啦，例如勞工權益、醫療嗰啲」。

黎續指，以往區選均有投票，認為投票氣氛比以前稍遜，「（投票率）一定係少咗㗎喇，因為選舉制度唔同咗」，但認為候選人的人數增加，反而選擇更多。

從內地四會回港的方先生拖著行李箱前來投票，他指投票「無乜準則」，但認為今年投票氣氛良好，「你（記者）覺得唔好咩？我由大陸都趕返嚟投票！」被問到候選人政治光譜是否不及以往，他指「呢啲我唔清楚」。

深水埗選民何先生出席廣州飲宴後，於晚上 10 時許回港投票。他投票予「幫到當區」的候選人，「自己鍾意嗰啲（候選人）我就認得嘅」。被問到人手派票有否耽誤投票速度，何指因為在晚上投票，人數較少無需輪候。至於投票氣氛，他指「因為我太夜嚟，唔知呀！」