十七年命運週期｜張可欣陳書昕飾女主角年輕版惹關注 獲網民大讚靚女兼有演技

全新ViuTV原創劇《十七年命運週期》由「刀演」羅嘉駿執導兼監製，並搵嚟廖子妤、MIRROR成員楊樂文（Lokman）、陳健朗、李敏、張可欣、陳書昕、林漢忠及鄭學謙主演。劇集出街後，唔少網民關心劇情發展之外，出鏡率甚高嘅兩位女主角年輕版非常搶鏡，成功引起網民高度關注。

喺上年5月，製作組喺社交網站出PO招募「視覺年齡17歲嘅朋友擔任主角、配角同特約演員」，導演經過嚴格選拔後，最終決定由陳書昕及張可欣飾演李敏及廖子妤年輕版。

現年22歲嘅陳書昕（Sheena）畢業於香港浸會大學環球螢幕演技藝術學士，佢過往已經參與過多次MV、電影及電視拍攝，例如電影《填詞L》、COLLAR成員邱彥筒（Marf）未上映電影處女作《寄了一整個春天》、及林家謙《有你聽我的故事》MV等等，而今次喺《十七年命運週期》就飾演年輕版蔡曼青（李敏飾）。而現年19歲嘅張可欣，啱啱先讀香港中文大學，樣子甜美嘅佢IG現有超過1.8萬名粉絲。雖然冇現出經驗，不過導演羅嘉駿就認為佢值得擁有一個機會，所以佢成功脫穎而出，喺《十七年命運週期》就飾演年輕版番茄（廖子妤飾）。

劇集出街後，張可欣及陳書昕獲得網民高度關注，紛紛留言大讚二人靚女及有演技，例如「幾靚好pure」、「後生女主幾靚」、「幾靚女 真係有17年前個種學生妹feel」、「張可欣真心正」、「張可欣好正 gfable」、「張可欣真係好靚」、「張可欣好可愛」、「張可欣有潛質做新柏芝」、「sheena個樣好有氣質」、「sheena好掂喎」、「咁靚得唔得⸝⸝> ̫ <⸝⸝ᐡ♡」、「演技恰到好處唔浮誇 keep supporting u」、「好睇，小青同蕃茄唔錯」及「很欣賞你們的演出，晚晚追！請繼續加油，期待你之後的演出」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！