細So再被爆疑似13年前已棄置歌手簽名CD 商台DJ Vani捲入事件

早前有影音專賣店於社交平台以以港幣350元放售張敬軒簽名版《春•夏•秋•冬》舊唱片，有網民留意到唱片封面有疑似係張敬軒寫嘅上款「Dear細So」，前商台DJ細So（蘇耀宗）因此捲入事件。後來細So發文解釋2020年離職時未有帶走CD，並懷疑有人將CD轉售，強調支持張敬軒同佢嘅音樂。

正當事件稍告平息，又有網民爆料話，早喺2011年已經有人出post話見到抬頭寫俾細So嘅CD流出二手唱片店，當中包括樂隊RedNoon及女歌手李卓庭嘅專輯。另外由相片可見，泳兒2007年《花無雪》專輯簽名版同樣流出二手市場，而抬頭則寫上Dear Vani，物主疑似係商台音樂節目主持Vani（黃君慧）。

細So早前出PO承認係該張張敬軒舊唱片前物主，又透露「多謝各位關心！當日冇得返舊公司搬走我啲CD，後來有同事幫我攞返部份碟。其餘仲有好多一路都放喺直播室，諗住留喺度俾（畀）大家用， 點知就唔知俾（畀）邊個攞咗去賣。 如果你要賣，都抹走個名同msg先呀，有我個名唔會值錢啲㗎。」細So又tag咗張敬軒，指直到今時今日都仲係咁支持佢同佢嘅音樂。而軒仔亦有回帖指自己可能就係「經手人」。

細So之前話係因為離職時未有帶走CD先至輾轉流出市面，但如果今次嘅圖片屬實，細So又點解釋2011年任職商台時，已經有簽名CD落入二手市場？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！