十大「無觀眾緣」藝人 網民盤點有呢幾位.......

除咗才藝，觀眾緣對於藝人嚟講都相當重要。日前有網民於討論區以「有冇啲藝人你第一眼已覺得好討厭？」為題出PO討論，表示：「同佢本身有冇演技才華冇關係，有啲藝人一眼已覺得好唔想睇佢要即刻熄電視，雖無過犯、面目可憎就係呢種」，一齊睇吓有邊幾位 。

第10位：衛志豪
衛志豪出身自有線娛樂主播，2014年過檔TVB隨即獲多個演出劇集及主持綜藝節目機會，但有網民表示衛志豪比起同樣於有線過檔嘅陸浩明更無好感，直程唔想見到佢咁話。2021年，衛志豪曾公開網民對話截圖，直認唔識人氣男團MIRROR，令一班MIRROR粉絲相當不忿。

第9位：冼靖峰
冼靖峰（Archie）於《聲夢傳奇》決賽奪第4名，去年1月推出個人單曲《一個人的幸運》，成為首個《聲夢傳奇》出歌嘅男學員。不過曾以一句「咩03年？即係沙士死剩種呀」惹網民負評。網民指除咗「沙士死剩種」言論，亦直言佢個樣唔討好：「沙士死剩種好樣衰」、「好面目可憎」及「以為自己好靚仔」等等。

第8位：胡杏兒
胡杏兒近年轉戰內地發展，參演《演員請就位2》、《乘風破浪》等多個綜藝節目，亦於內地電視劇《今生也是第一次》近乎素顏演出，被內地網民激讚無演員包袱，但香港網民就有相反睇法，直言睇佢唔順眼，表示好彩佢北上發展，少咗機會見佢。

第7位：湯令山Gareth.T
湯令山Gareth.T曾經被姜濤於《叱咤樂壇流行榜頒獎典禮》大讚係該年最喜愛嘅新世代音樂人，又憑《笑住喊》奪得叱咤2022「叱咤十大」第八位，歌唱實力備受肯定，不過網民就覺得湯令山Gareth.T外表真係討好：「見啲人猛吹捧佢就頂唔順」、「唔理佢幾有才華，成隻忍者龜咁」等等。

第6位：江嘉敏
江嘉敏當年憑清純學生Look於劇集《親親我好媽》飾演江美儀大女而入屋，不過身材逐漸變得圓潤，被指為「脹爆師奶」。縱然近日成功減磅，但仍然被網民覺得好討厭：「之前睇電視已經覺得佢好扮野，剪咗短頭髮仲乞人憎」、「呢個真係，明明係靚，但總覺得乞人憎」及「好貪錢，上網睇都有新聞」等等。

第5位：莊鍶敏
雖然莊鍶敏擁有豐滿上圍及長腿，早前演出《一舞傾城》時又與李嘉有唔少大膽床戲，但就似乎無咩觀眾緣，網民表示莊思敏個樣好似一個阿姑咁。

第4位：何洛瑤Sica
Sica出身自《全民造星4》，當時有「執生王」之稱，被淘汰後，網民紛紛於社交平台留言鄧Sica唔抵：「ViuTV最黑暗的一天」，早前又被安排拍攝《野人老師》。Sica個性搞怪可愛，但唔少網民都表示頂唔順：「份人又冇禮貌」、「見到即轉台，聽到把聲即mute」及「幾十歲人仲懶可愛」等等。

第3位：岑珈其
岑珈其於電影《緣路山旮旯》首度擔正男主角，當時上映僅五日就入圍多個國際影展，不過岑珈其被批評外貌，事後岑珈其自認：「唔係高大靚仔，演戲又唔係好好」 贏得稱讚，但仍有唔少網民留言：「齋睇張圖已經覺好嘈」及「成日聲大大，維園阿叔咁款」等等。

第2位：張寶兒
張寶兒參選2016年度香港小姐奪得「友誼小姐」獎項入行，亦與當時擔任評判嘅袁偉豪結緣。張寶兒曾被翻出參選港姐時嘅舊照，並對比佢嘅自拍照，網民驚嘆張寶兒五官比之前更精緻立體，而雙眼距離相差亦極大，唔單止覺得佢割咗雙眼皮，更開埋眼頭。網民就直言：「佢一笑就好肉酸」、「佢唔好再close up對眼啦，唔知佢個人係點，但個樣真係好恐怖」及「佢成日自high著到成身名牌影埋啲相好嚇人」等等。

第1位：李思捷
當年李思捷與王祖藍及阮兆祥組成「福祿壽」，為台慶進行表演，結果大受歡迎。其後更變成一系列嘅劇集、電影、節目及演唱會。李思捷近年活躍於內地社交平台抖音，佢所分享嘅搞笑短片深得內地網民喜愛。反觀喺香港市場，雖然扮嘢能力獲讚，但鍾意四圍溝女嘅形象都深入民心。網民亦喺網上討論區表示對節目《思家大戰》以及李思捷做主持唔太有興趣：「李思捷最好笑既地方，就係全世界得佢一個以為自己好好笑」、「碌咗十幾年歌影視無嘢掂，佢做綜藝，睇唔過十秒要熄電視」及「佢個樣擺出嚟，就以為自己好叻好靚仔溝死女咁」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！