南京小夜市忽然暴紅 因為香港四大天王齊集?
香港四大天王黎明、郭富城、張學友、劉德華,自90年代開始走紅,一直由香港紅遍整個東南亞及內地。一路以來走紅以後嘅四大天王都鮮有難得同場,無咩合體機會;估唔到近日南京就出現四大天王同場,仲要係每一晚都係!
江蘇南京夜市中有唔少路邊攤檔,都係細細檔擺賣特色南京美食,而其中有四間緊連於一齊,就分別命名為「黎明名吃」、「郭富城炒飯」、「張學友餛飩」、「劉德華鐵板魷魚」。雖然明顯係同真正嘅天王無任何關係,亦相信無得到正式授權,不過一樣吸引到大量遊客前來打卡幫襯,甚至電視台都去到採訪,一時之間變成全城話題。其實今年內地自疫情消退後,政府為振興經濟,批出多個夜市小食檔牌照,南京就增加134個地點一共1,410個臨時路邊攤檔,難怪要各出其招啦!
相關文章: