去邊啊Do姐|Do姐Jeffrey河口湖Glamping 哲學家Jeffrey富士山下講經「見山仍是山」 搶Do姐對白
HOY TV旅遊節目《去邊啊Do姐》由鄭裕玲(Do姐)主持,聯同五位人氣男神林家謙、魏浚笙(Jeffrey)、Tyson Yoshi、 洪嘉豪及應智越(細貓)玩轉歐亞。
今晚(9月6日)播出第三集,Jeffrey登場與Do姐遊日。Jeffrey反客為主,似主持多過嘉賓,介紹境點無停口,Do姐罕有被搶對白,不過Do姐都任由Jeffrey發揮,果然係「靚仔大晒」。導遊Jeffrey帶Do姐到澀谷區鍋島松濤公園,參觀由著名建築師隈研吾設計的「森之小徑公廁」,公廁主要以木製造,外形仿似村落。Jeffrey與Do姐齊齊估廁所門口的公仔標示意思,Jeffrey看圖亂作故仔,估柺杖公仔係「第三隻腳」。
二人出發尋找富士山,Do姐擔心天氣差見不到富士山,Jeffrey又講經,指第一次就望到富士山「一啲都唔吸引」、「最緊要係若隱若現嘅感覺」。Do姐帶Jeffrey到餐廳試飲富士山水所釀製的日本啤酒,有朱古力、辣椒等味道,Jeffrey自認酒量淺,滴酒不沾,Do姐一個人試5款啤酒,認真飲得。
去到河口湖,Do姐選擇了一間森林酒店與Jeffrey去Glamping。Jeffrey的確做足功課,與Do姐食早餐時竟然一口氣由餐包、咖啡、醬汁到生果都記熟稿逐一介紹,「荷蘭包色澤同飽和度好高」,Do姐安心做嘉賓望住Jeffrey細聽。知道天氣差見不到富士山,Jeffrey就話贈Do姐兩句:「見山是山、見山不是山、見山仍是山」,見山是山意思係「你見到個山,其實可能佢唔係一個山,你都以為佢係一個山」,Do姐雖然不太同意Jeffrey的解釋,但見到Jeffrey用心講經,都笑不停口。難怪Do姐與Jeffrey去完旅行後表示「你以為佢係偶像派,但佢係哲學家實力派」。明天播出的第四集繼續有Do姐Jeffrey同遊日本。