又喺歌唱比賽尋寶 黎明新人組合Lab 16歲成員Apple校內唱《記憶棉》片段48萬人收睇

黎明尋日一早就出post介紹旗下兩組新人Yuta同Lab。向來黎明都會收埋新人個樣，等大家留意首歌先，於是外界都好奇究竟佢地係咩來歷。其中二人女子組合Lab由16歲中學生Apple同埋另一位女生i k 組成，而Apple原來一早喺網上爆紅。

就讀北區某中學嘅Apple，舊年喺學校歌唱比賽以MC張天賦嘅《記憶棉》參賽，唔止贏咗冠軍，演唱片段被放上youtube之後，至今已經有48萬人睇過！亦因為呢條片輾轉去到，黎明嘅唱片公司，Apple被安排同同樣讀緊書嘅i k以二人組合出道。

Apple要應付學業，只可以喺課餘時間錄音；而i k更加會喺短期內去日本做交換生，唱片公司把握時間喺2個月內幫佢地推出首支單曲《你是我的病》。

過去黎明睇中嘅新人都係歌唱比賽常客，JW曾經喺聯校比賽拎過亞軍，贏佢嘅正係G.E.M；而JC陳詠桐都係因為中學時參加比賽後獲介紹入行唱demo，再被黎明發掘。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！