反起跑線聯盟2｜周家怡戇居居少被老師鬧 朱茵識寫英文地址全靠惡老師

正在播出的劇集《反起跑線聯盟2》導演劉偉恆日前連同朱茵、周家怡及2位小演員徐立德和李莉在社交平台開live進行劇集分享。當大家問及有否遇過劇中冼老師般的嚴厲老師時，家怡聲稱小時也遇過頗嚴的老師，但卻沒有冼老師那般嚴厲，而且自己小學時戇居居得嚟自我要求高，所以很少被老師責罵。而朱茵則好肯定話有遇過，而且還印象深刻地憶述 :「應該係2年班班主任，真係好惡，每個字都執得好正。例如要我哋寫自己嘅英文地址，細個邊識寫吖，所以唯有亂作啦，點知老師真係睇返我哋個地址逐個逐個去改，嗰次緊係「食蛋」啦。當時真係好驚佢，因為佢同時教埋音樂，你走音又鬧，唔唱又鬧，真係好驚㗎 ! 但係又因為佢咁，我哋個個都識寫英文地址囉。」家怡聽後即笑稱朱茵就是拿著這個藍本來演繹冼老師，不過朱茵卻指:「佢仲惡啲，佢真係會拿著類似棍的物體嚟凶你，我哋而家都冇出呢一招啦。」

而對於第二集劇情中「最」字正寫問題深受大眾討論，家怡自言會執著，不過執著程度未去到極端，但會執著於筆劃，一定要寫得整齊。朱茵就坦言「朱茵本人唔執著」，因為她認為以前教的「最」字寫法更明意思，還指 :「雖然冼老師要跟劇本去教，但朱茵真係覺得係日取，日日取咪最囉。同埋因為我會咁樣解釋畀個女聽，我點樣叫佢記個最字呢，咪就係你日日取嗰樣嘢咪最愛囉。其實我都唔係好明點解會變咗而家咁寫。」不過最後朱茵都補一句:「考試緊係跟老師啦 ! 不過都必須要話佢知我哋細個陣時呢個字係啱嘅。」而每當遇著不太肯定的字或句語時，朱茵則會和囡囡一同問爸爸，全家一齊討論。

劇情概要

ViuTV原創劇《反起跑線聯盟2》逢星期一至五晚上9時30分播出。劇集承接上一季，講述樂悠悠七小福一同升上標榜愉快學習的樂天小學，一眾家長本以為終於能鬆一口氣，紛紛為著私人時間大增而雀躍之時，卻因為新來任教的冼老師(朱茵 飾)嚴厲和高壓的教學方法，而令眾家長和小孩叫苦連天。有見及此，樂悠悠前孔校長(袁富華 飾)決定出山，打造「樂悠悠愉快學習天地」為孩子重拾讀書樂趣。冼老師為証明自己的教學方法才是對的，毅然向孔校長下戰書⋯⋯另一方面，家長們亦要面對各自的煩惱，對於接踵而來的問題，七小福、眾家長以及孔校長到底如何應付？