叠影狙擊｜全劇超高清零濾鏡拍攝 周秀娜超真實皮膚狀態曝光 演員陣容充滿新鮮感仲有Ian前女友

由周秀娜、黃宗澤及黃浩然領銜主演嘅外購港劇《叠影狙擊》日前（12日）於內地平台率先開播，《叠影狙擊》係今年台慶劇之一，亦係前TVB金牌監製梁家樹一大力作。今次係周秀娜與黃宗澤第三度合作，周秀娜更於劇中一人分飾兩角。劇情講述新加坡特警魏曉晨（周秀娜飾）調查人口販賣案時發現一具被摘去心臟的女性屍體，經查證發現係孿生妹妹梁曦（周秀娜飾）而悲痛欲絕，決定用妹妹身份到香港追查妹妹被殺真相。香港警察袁晟傑（黃宗澤飾）亦係梁曦男朋友，結果被魏曉晨提出分手。

由於係警匪題材，所以都涉及大量動作場口，全劇又以超高清鏡頭拍攝以及完全零濾鏡。因此一班演員嘅真實皮膚狀態都曝光於鏡頭前，周秀娜除咗被指有唇紋，鼻旁和額頭都唔少暗粒，有網民直言：「真實得讓我不焦慮了！」不過，部分網民就力撐周秀娜，表示其實係粉底太厚，其他皮膚狀況問題唔大，對38歲嘅女人來說，已保養得唔錯。

《叠影狙擊》演員陣容包括大量香港人熟悉嘅演員，例如關禮傑、郭政鴻、李天翔及方力申等等，女演員名單方面仲充滿新鮮感，包括張慧儀飾演黑金集團高層、MIRROR成員Ian陳卓賢前女友盧慧敏（Amy）飾演保鏢，以及蔡穎恩、文頌嫻、鄭融、《全民造星3》張凱娸（Kiki）。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！