台統計:女人為第三者分手機會多男人近3成
![](https://s.yimg.com/ny/api/res/1.2/NY6yX6RtHPlbUA_JW5E6Vg--/YXBwaWQ9aGlnaGxhbmRlcjt3PTk2MDtoPTUwMA--/https://66.media.tumblr.com/2ca4829b267b542518715b5fb2933bf4/tumblr_inline_oalr893BhW1u6y8g7_1280.jpg)
成日聽到娛樂新聞話啲明星偷食,好似喺車上演愛情動作片、當街激吻拖手咁我都明,但係有時Whatsapp對話、一齊行山做運動都叫係?範圍廣到咁,到底點先叫出軌呀?
台灣一間大學就抽樣搵咗1,200個大學生做調查,當中59%係女仔,41%係男仔。85%覺得同小三Kiss就係出軌,15.9%更加認為只要對第三方「產生好感」就係出軌。咪住先,好感定義咁闊,係有心動感覺,定係純粹人哋靚仔/女或者性格好所以先想親近吓?好難捉摸呀!
但係,出軌係純粹貪新鮮想玩吓,定係認真想飛咗而家個男/女友呢?研究話女性會為出軌對象而同現任分手嘅比例,比男仔高27.76%,而50%以上女仔只要同第三者拖手,就會飛起現任,而男仔就要等到同小三咀咀,先會有50%以上嘅人選擇同現任分手。 所以女仔出軌係嚟真架,變咗心嘅女人比男人更絕,留都留唔住呀。
講真,拍咗拖都對其他人有「好感」係正常嘅,但係去到咩程度先要擔心?如果係嗰種覺得「小三」比你更明白佢,大家更加情投意合,反而覺得你講咩都厭煩,就真係最大鑊嘅精神出軌 ,因為佢個心已經唔係你到,你留住嘅只係個無意思嘅空殼……不過講咁耐,首先,你要有…..