周可茵成無綫新一代靚女主播 緊身衫主持惹關注 IG私下造型靚過上鏡？

無綫新聞小花時不時都係網民嘅討論對象，被封為「新一代靚女主播」嘅周可茵（Yomi）日前因為著上緊身衫主持無綫專題節目《探古尋源》，盡顯豐滿身材，再次引起網民關注，網民除咗大讚周可茵身材好，仲指佢好似「叮噹嘅靜宜」。

26歲周可茵畢業於樹仁大學新聞及傳播系，2017年加入now新聞台，但不足一年就跳糟至ATV，擔任財經節目《贏家online》主播。2018年，周可茵轉到無綫，成為互動新聞台常任主播，當時因為報導颱風「山竹」襲港消息而令好多觀眾留意到佢。有網民仲喺討論區以「無綫新聞個新女記者周可茵係咪仙女黎？」為題出post討論，唔少網民都認同周可茵靚女，不過就表示佢上鏡好濃妝，個樣好老，而且眼袋極大；反觀周可茵IG生活照，私底下個樣仲好睇。而周可茵IG不時都會有網民留言大讚佢靚女，報新聞又淡定：「個妝靚過上電視好多」、「每日朝早睇妳播新聞就更加醒神」、「加油啊！你講新聞好好聽」、「我好鍾意睇你播新聞」、「努力可茵，見妳做新聞都淡定既，人又靚，妳得既」及「模特兒咁靚」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！