周末性趣：女生必睇 自己做咗人SP都唔知？

對於大部份嘅女性，愛情唔多唔少都一定包含承諾，好多現代女性聲稱可以將性同愛分清楚，仲會同男人保持SP關係，可能一開始都覺得自己handle到，但慢慢就會習慣咗對方係身邊，然後好想同佢開始一段關係，不過姊妹們要明白男人同女人諗嘢真係好唔同架，如果你發覺對方有以下4點，千祈唔好再好天真好傻以為你地會有發展空間啦。

1. 咩都同Sex有關

如果對方係真心想同你發展一段穩定嘅愛情關係，除咗性關係， 應該會同樣關心你嘅生活同埋你嘅一切。但如果你發覺對方講咩都關於性，咁好有可能佢只係當你係一個比較啱Key嘅Sp，至於唔會同你有進一步發展，答案好明顯係no 啦。

2. 有事鍾無艷

相信大家唔使講都知呢句說話點解啦，如果有時明明約好咗但又臨時臨急取消約會，但又冇講明係咩原因， 咁好明顯對方就唔將你放喺心上，只係當你係得閒可以打下友誼波嘅朋友，想更進一步可以話完全冇可能。

3. 從來唔講自己嘢

呢個亦都係好重要去界定你哋關係嘅一個因素，好多時男人會口入面講到好似好重視你咁，但又從來唔將自己嘅嘢同你分享，而且亦從來唔會主動介紹朋友畀你識嘅話，咁好明顯證明佢都覺得你哋嘅關係去到呢個程度已經足夠啦。

4. 成日搵唔到人

尤其係假日，總係無影，而打電話畀佢，好多時��無人聽。你倆出街嘅時間，大多數都係夜晚，而且唔係去大家屋企就係去爆房。

Pic: Nikita Storozhuk@flickr