周末性趣：床上心理學‭ ‬女生想咩咩咩的10個徵兆

男女大不同，其中有一樣好明顯嘅分別就係有咩嘢諗到男人會直接講出嚟，女人好多時候都會暗示，未必直接講畀你聽，尤其係床上。所以好多男士成日都話要係日常相處估估下，唔識做的話，隨時錯過大好良機。最近有日本網站訪問咗200個20至29歲日本女仔，問佢地想要嗰陣有咩表示，頭10種Signal你又有無接收過呢？

第10位 提出下次約會地方 2.0％‭ ‬
再約下次，實會有好感啦，但係唔係啪啪啪signal，小編就覺存疑喇。

第9位 勁多戀愛問題 3.0％‭ ‬
成日問下你愛情狀況，又問你愛情觀，睇下同自己似唔似，證明佢對你都有興趣。

第8位 飲勁多酒‭ ‬5.5％‭ ‬
同第7位類同，當兩個都醉醉地嗰陣，有咩無可能？

第7位 飲醉 6.0％‭ ‬
酒精令人壯膽，係醉燻燻的情況下，咩都更容易發生。

第6位 話開始覺得眼瞓 7.5％‭ ‬
不停話自己眼瞓，又無意慾離開，咁你話呢？

第5位 話第二日早上無嘢做 9.5％‭ ‬
即係話你知玩夜啲都無問題，甚至留宿一夜也可。

第4位 話趕唔到最後一班車10.5％‭ ‬
佢地會用唔記得咗最後一班車做借口，實情係想搵個機會同你過夜。

第3位 依靠係對方身上 14.0％‭ ‬
女仔主動靠係對方身上，因為女仔通常都係鍾意親密，增加兩人親密感係一個好開始。

第2位 主動Body Touch 17.5％‭ ‬
其實女仔真係好少可主動架，所以如果男仔遇到記得要醒目啲把握機會。

第1位‭ ‬與對方有身體接觸時不會逃避
21.0％ 最多女仔會選擇畀嘅暗示，就係當女仔同男方有身體接觸嘅時候唔會逃避，咁好明顯係期待男方有進一步行動。

相片來源：yoimachi‭ ‬＠tumblr