紙盒藏屍案電影開拍中 Edan呂爵安傳演歐陽炳強？︳電影LOL

TVB新節目《猜猜我是誰》由「新聞男神」再次操刀，以舊新聞帶出新話題。上周就以70年代震撼全城嘅跑馬地紙盒藏屍案為題材，並播出因為呢件案被判謀殺罪成嘅歐陽炳強多年前受訪片段。

近期紙盒藏屍案再次成為熱話，而今日就有傳媒報導指，曾執導《踏血尋梅》嘅翁子光導演，將以紙盒藏屍案為題材嘅港產電影擔任編劇及監製；而該片就會由《正義迴廊》編劇之一譚廣源執導。

其實上月中，電影人張堅庭已經喺個人IG分享自己正在參演紙盒藏屍案電影嘅照片，而張堅庭就自爆會演出當年為歐陽炳強辯護、後來創辦樹仁學院嘅胡鴻烈大律師。原來多年前張堅庭就讀浸會學院（浸大前身）時，已經出任編劇，並以紙盒藏屍案撰寫劇本。

根據報導，紙盒藏屍案電影嘅演員陣容相當可觀，包括梁洛施、譚耀文、內地演員張頌文等，據知Isabella或者會演歐陽炳強太太、譚耀文演調查案件嘅警務人員，而張頌文會演歐陽炳強。

最爆嘅係有關報導指MIRROR成員Edan呂爵安亦會參演該片，但未知演咩角色。以故事橫跨歐陽炳強被捕前後至出獄嘅時間線，加上搵得Edan應該戲份不輕，因此該報導估計Edan可能飾演年青版歐陽炳強。而Edan 5月受訪時曾透露，近期接拍嘅新戲要演出一個好有挑戰性嘅角色，而且有唔少內心戲，仲要橫跨唔同年紀。經理人其後都證實Edan會演翁子光嘅新片。不過近期Edan未見喺髮型及外型上有劇大轉變，同身材矮小又黑黑實實嘅年青版歐陽炳強唔多相似，因此該傳言仍有待查證。

紙盒藏屍案於1974年發生，16歲女死者嘅屍體被發現棄置喺跑馬地一間果汁店外一個紙皮箱內。事後警方拘捕喺果汁店打工嘅歐陽炳強，並首度起用科學鑑證取得嘅證據，結果歐陽被判謀殺罪成。由於案情以至審判過程有極大爭議，案件多次成為電影及劇集題材，包括1993年由任達華主演嘅電影《紙盒藏屍之公審》。

更多電影文章

壞蛋獎門人4／無聲絕境外傳：首襲日／長夜盡頭的微光／走走停停︳電影LOL 今期睇咩戲

曉格蘭特演變態佬 新片Heretic設局禁錮傳教少女︳電影LOL

《阿甘正傳》CP 湯漢斯羅冰韋特再合作 新片Here靠CG回春演活人生︳電影LOL

《史力加》有新搞作 第5集明年上映 驢友外傳製作中︳電影LOL

《玩轉腦朋友2》上映12日全球收逾7億美元 成今年票房之冠︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！