周末性趣：日本女生公投 女生10個「性」暗示

男同女好多時候一齊耐咗自然會有默契，有時唔使講都知對方想點， 唔知大家又知唔知當女仔想同對方咩咩咩嗰陣，會主動做啲咩呢？最近有日本媒體就做咗個調查，訪問咗200個20至30歲有男友嘅女性，得出以下結果，各位巴打仲快啲留意吓，醒目少少，下次女朋友比signal都識得反應吖嘛。

第10位：煮飯畀男人
呢個可以話係最有心機嘅方法，花幾個鐘頭又買材料又要煮，對你咁好無理由唔好好回報嘅。

第9位：比男人「膝枕」 （即係瞓大脾）
呢個不失為一個幾窩心又親密嘅舉動，可以增強兩個人嘅親密感之外，身體嘅接觸都會可以引導大家進一步行動。

第8位：講「有味」話題引導
呢種方法應該係比較爽直嘅女性鍾意用，佢哋雖然未必會主動有身體上嘅行動，希望透過講一啲有味嘅話題刺激到男方嘅感官從而有進一步行動。

第7位：摸Pat Pat
呢個行為都應該幾清楚，各位男士如果你咁都唔醒目，咁我都幫你唔到。

第6位：挨落嚟
呢個都係女仔幾常用嘅方法，一來比到男方一種想依靠對方嘅感覺，二來可以增加身體接觸，慢慢熱身等待進一步發展。

第5位：飲酒壯膽
如果明明佢平時唔飲酒，突然之間狂飲勁多，但睇落去又唔似唔開心，咁你就要留意吓佢係咪想壯膽然後向你暗示，不過當然唔好亂來記得睇定啲先。

第4位：直接講
呢個亦都同樣唔係個個做得出，始終真係好需要勇氣，時候女仔會擔心畀人覺得自己太色而唔會直接講只會選擇暗示。

第3位：抱抱
呢個係介乎以上兩者之間嘅中間點，因為抱抱除咗係信任嘅表示，都顯示女方唔抗拒同你有親密嘅接觸。

第2位：錫錫
呢樣應該係最明確嘅行動，不過相信有勇氣主動出擊嘅女仔應該唔會太多，始終女仔點都會想係男仔面前保留矜持嘅一面，但係如果佢真係主動錫你，你就千祈唔好令佢失望啦。

第1位：身體接觸
身體語言唔係最容易用到嘅方法之一，如果女仔主動掂你，可能佢想暗示同你有進一步發展，但又唔知點樣做，所以就想多啲身體接觸，暗示畀你知。