《壞的愛情原地踏步，好的愛情一起成長》

感情好難去分對與錯，但係可以分得出好與壞。壞嘅感情會拖垮一個人，包括佢嘅情緒、外表同心理健康。一個活喺充滿爭執、懷疑、背叛裡嘅人，每日都喺情緒崩潰邊緣，實在唔難想像佢身理同心理有幾唔健康。有朋友同一個每日都搵嘢鬧交嘅大男人一齊，於是每次約佢食飯，一係悶悶不樂，一係就放飛機話同男朋友講緊數。我見證住佢由一個陽光少女，變咗做一個每日都充滿煩惱嘅負能量女孩。壞嘅感情的確會蠶食一個人嘅身心。相反，一段好嘅感情係可以帶領雙方成長，令兩個人都變成Better Me。

有啲人會害怕對方成長改變，因為佢怕你變得更好、走得更遠嘅時候，自己追不上就會被拋棄，所以佢情願大家都停留。一個好嘅另一半，係會希望自己同對方一齊進步、成長，而絕對唔會自私地希望大家永遠不變、原地踏步。懂得愛你嘅人會希望你可以飛翔，佢會讓你去做想做嘅事，讓你活在自由快樂而不是煩惱之中。佢唔會怕你變得更好，因為佢會為了你拼命讓自己也變得更好。

而喺兩個人都努力進步嘅時候，你哋嘅愛情都會在進步。就好似兩隻小鳥向自出去搵食物，然後回家同對方分享，兩個人除咗經歷自己嘅世界，亦都可以感受對方那個不一樣的世界。這樣的愛情的確豐富結實得多。