奧斯卡頒獎禮︳老婆被Chris Rock取笑甩頭髮 Will Smith上台打人！

今晚奧斯卡頒獎禮最爆可以話係呢幕︰候選影帝Will Smith上台打人！

話說黑人諧星Chris Rock上台頒獎，對白當中涉及Will Smith 太太Jada Pinkett-Smith，笑指等睇Jada拍GI Jane 2，暗示受「鬼剃頭」影響而剃光頭嘅Jada，好適合演片中光頭女兵角色。

結果Jada當堂黑面反眼，Will Smith更加立即行上台，出拳打中Chris Rock。Chris 事後十分愕然只好陪笑，仲話係「電視史上最正嘅一晚」，而現場畫面亦立即靜音。鏡頭影住落返台嘅Will Smith，從口型可見Will爆粗叫Chris Rock收聲，Chris 只好面懵懵打圓場。

入圍最佳男主角嘅Will Smith今晚以大熱姿態首奪影帝，佢上台後首先笑晒﹐後來激動淚流滿面，表示將榮譽歸予《王者世家》原故事主人翁Richard Williams及女網選手威廉斯姊妹。佢又向各提名人及大會道歉，暗示之前上台打人搶晒焦點。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！