雅虎香港新聞 
姚子羚、麥明詩噴血內衣上陣 二人同處愛情空𥦬期
姚子羚、麥明詩日前出席內衣品牌開幕活動，兩位80及90後的索女，有樣有身材就不在話下，今次出席內衣活動更齊齊以性感喱士內衣上陣，除咗可以配合品牌，又可以齊齊大騷香肩及事業線，內衣當外衣的造型真係大膽又吸睛！
撰文：東方新地｜圖片：新傳媒圖片庫
延伸閱讀：
姚子羚 麥明詩 性感登場
姚子羚和麥明詩呢晚應邀出席內衣品牌開幕禮，二人一黑一白的造型登場外，更少有地以內衣當外衣著，大騷事業線及小蠻腰，姚子羚以低胸谷到盡，而麥明詩則中門大開，相當噴血！咁性感唔會人人carry到，十優港姐麥明詩都話為穿性感內衣現身，特意節食和減鹽免水腫！
麥明詩提及現時擇偶條件
麥明詩因近日被影到與舊愛林作約會，呢日佢再次否認二人已復合，又擔心難搵男朋友：「呢個問題我都擔心，好多人都未必適應藝人嘅生活模式，有時食個飯要俾人影相。 」又指現時擇偶要選能適應和了解佢的工作、生活模式才考慮。
姚子羚分手心情已平復
另外，姚子羚則表示近兩個月都要去橫店拍新劇 ，與前男友鄭子邦分手後心情亦己經平復不少。當被問及現在是否寄情工作，子羚就話：「我同佢保持良好嘅朋友關係，大家有聯絡，並唔係唔開心咁分開，好珍惜嗰份感情。」
姚子羚同張振朗唔過電
隨後姚子羚仲佛系理論上身，稱已將愛情轉化為第二種情感， 暫時沒有想太多，緣分到自然有。當被問到是否準備迎接新戀情？子羚稱暫時未，但抱開放態度，又笑言每日開劇對著張振朗及胡定欣，雖然振朗最近都回復單身，但因嫌佢太嫩口，所以稱無發展機會。
ETV一哥一姐你認唔認得？ 呢位女歌手好難估…
姜大衛22歲仔姜卓文入行 全家錫到燶
延伸閱讀：
