姜濤演唱會開鑼 狀態回勇炸爆舞台

「人氣王」姜濤昨晚起在亞博舉行一連4場首次個人演唱會，全場爆滿。一頭挑染銀髮的他明顯消瘦，穿上日式裝束，首次現場跳唱演唱會主題曲《濤》，被兩位男舞蹈員抬上膊頭，另有兩名男舞蹈員幫手扶姜濤背脊。之後他側躺在白布上，再被多位舞者托起，營造出凌空效果，炒熱氣氛。

姜濤接着唱《作品的說話》及《Master Class》，換上另一套黑衫演繹已故歌后鄧麗君的《我只在乎你》，之後開腔感謝入場觀眾：「創作團隊一開始問我主題，我kick咗好耐，可能今年好多嘢都kick kick哋，令自己喺創作方面冇乜靈感，最後創作靈感就係我個名『濤』，因為過去一年個人同團隊經歷好多浪濤，希望可以似水一樣……」他曾揚言不想再唱的《蒙著嘴說愛你》，則安排壓軸獻唱。而張敬軒、古巨基夫婦、姜濤所屬公司及父母送上花籃。