家英哥爆Edan好驚好失落

星島日報相片
星島日報相片

【星島日報報道】羅家英與趙曾學韞昨出席電影《紅伶宴》欣賞會,汪明荃(阿姐)專誠捧場。家英哥指本相約阿姐看MIRROR頭場演唱會,最後因工作而錯過,又指呂爵安(Edan)原安排他睇第六場,而演唱會出事故後,家英哥有聯絡Edan,並指Edan好驚,好失落。家英續稱:「呢個係經驗,做演員要經過好多風浪,今次係警惕,唔好恃後生就衝動、太興奮,做危險嘢要累積好多經驗、要小心,做唔到唔好夾硬做啲危險事,要為自己安全着想。有啲人當演員係雜技者,萬能嘅,做啲危險動作,唔好制呀,要考慮清楚。」

家英哥又指今次是意外,希望良好醫學治療能將李啟言的傷減到最輕:「希望神經線自己修復,若干年後會痊瘉,當然可能會有後遺症,但冇辦法,係人生一個劫,人生無常,曾江係無常,但後生都有無常。」提到家英哥演出粵劇《叛國英雄》的打觔斗戲份受傷,他指因自己疏忽引致,是自己最嚴重一次受傷。文:霍淇 圖:譚志光

■家英哥指Edan在演唱會出事故後,表現既驚又失落。

娛樂

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能