少爺占觀察港人飲檸茶要求高 批手打檸茶難飲：點解仍存在？

唔少知名內地飲食店不約而同進駐香港，其中，包括唔同品牌嘅檸檬茶店，呢類手打檸檬茶及冷搾檸茶過江龍品牌所賣嘅檸檬茶與傳統港式檸檬茶並不相同，多以香水檸檬製作，標榜純手打，茶底以及口味選擇多，似乎成功攻佔香港茶飲市場。不過，商業電台叱咤903 DJ少爺占（甄子康）日前就於社交平台直言點解冷搾檸茶店仍可以喺香港存在。

少爺占分享平日觀察港人飲檸茶要求非常高嘅睇法，寫道：「南記有人買外賣，要三杯檸茶，一杯走甜，一杯少甜，一杯正常，香港人對檸茶真係好有要求。咁點解冷搾檸茶咁難飲嘅嘢仍然可以存在？」唔少網民都留言表示認同，更指係畀啲無要求嘅人飲：「Agree x 100000 手打果啲難飲到我飲一啖後掉左成杯」、「好想啲手打檸檬茶店快啲執晒笠！」、「今日飲完壓榨檸檬水，酸到阿媽都唔認得」、「冷榨檸茶係真廢水」、「佢總有一日會執，比佢蝕下啦」、「因為無要求嘅人一定多過有要求嘅人」、「暴打檸檬茶=化學元素週期表」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！