屯門公路幼貓出沒 義工稱停車救援被警方阻撓 警指無相關報案紀錄

「不忘初心浪浪救援」專頁早前發文，有朋友 4 月 7 日在屯門公路發現有一隻幼貓，版主駕車到達屯門公路兆康段，發現有一隻幼貓在公路旁邊，版主決定慢駛在公路旁停下，「點知隻貓B勁快跑咗入我車底，起初見到貓B係條車軑嘅位置，行過去嘅時候，就唔見咗蹤影。估計佢都係往車底入面啲位匿埋。」

版主見狀後，決定即時報警，希望警方可以在場維持交通，惟版主稱「點知佢地黎到，就即時叫我地揸走架車。人命貓命都係命，難道貓命就唔緊要嗎？叫我著車，真係等於叫我做殺貓兇手。老實講，我真係做唔出啊。」版主補充，中間曾「發生咗啲唔愉快嘅小插曲」，但未有再交代詳情。

版主之後希望警員可以安排消防到場幫忙，但他引述警員稱「佢地就話消防唔會接呢啲case..一定要我地開走架車，」但版主堅持不開車，擔心一旦開車會令幼貓出意外甚至死亡，最終要找朋友拖走自己的私家車，再到附近空地，升高私家車，並成功在找到幼貓，並發現牠嘴邊有損傷，即時在車內為牠清洗傷口，現時安置在貓舍隔離。

《Yahoo 新聞》就事件向警方查詢，警方表示翻查 4 月 7 日及 8 日相關地方，並無相關報案紀錄。