徐淑敏曬14歲大女慶生照 囡囡少女味濃輪廓遺傳媽媽優良基因

前港姐徐菁遙（前名徐淑敏）2009年與比佢年長12年嘅商人黃浩結婚，先後誕下三女，分別為大女黃心瑤（Vianna）、次女黃心柔（Renee）及幼女黃心誼（Isabella），亦淡出幕前專心照顧家庭，不時於社交平台曬出一家人嘅幸福美照，唔少網民都覺得三個女兒未有遺傳媽媽嘅美貌，反而與爸爸黃浩似足餅印；不過，徐菁遙近日分享與大女黃心瑤慶祝14歲生日照片並寫道：「Happy birthday to you. #sweet14 #happybirthdaytomydear」；從照片中見到，囡囡輪廓開始似徐菁遙，亦散發陣陣少女味。

壽星女黃心瑤企喺設有「Happy Birthday」燈牌及氣球嘅藍色背景下影相，手拿一大紥粉紅玫瑰鮮花，枱上亦有生日蛋糕和「14」數字氣球。壽星女身穿黑色吊帶裙，留着一把烏黑長髮，戴上「Happy Birthday」頭飾，雖然未有正面望向鏡頭，但輪廓與媽媽有幾分相似之餘，更充滿濃濃少女味。

其實去年徐菁遙亦有PO出與大女黃心瑤於迪欣湖野餐慶生嘅照片，當時廿四孝媽咪為其搭上帳蓬、氣球佈置及準備咗好多食物。雖然徐菁遙以Emoji遮住囡囡個樣，但二人恰巧穿上淺色調碎花裙，外型十足十兩姐妹，就連沈卓盈都留言大讚黃心瑤靚女：「Happy birthday my dear Vianna，同媽媽一樣咁靚女」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！