雅虎香港新聞 情人節工作坊2023｜15間情人節工作坊推介 DIY手作禮物低至$190！情侶戒指手鐲／皮革玫瑰花／甜蜜「霓虹燈」
情人節就到，大家諗好如何跟另一半慶祝未？精選15個DIY工作坊，為伴侶送上最窩心禮物！
就快到情人節，相信唔少男士女士都絞盡腦汁，諗緊點安排節目或諗緊送咩禮物好！編輯為大家精選了15個情人節工作坊，包括親自DIY情侶戒指手鐲、皮革玫瑰花、甜蜜「霓虹燈」等，最平更低至$190就玩到，有啲workshop更有二人同行優惠！想為另一半炮製小驚喜，快啲上網預約啦！
【立即睇】全新 Yahoo Shopping 專頁正式上線，跟貼最新優惠情報！
1. 甜蜜宣言！DIY專屬獨一無二迷你「霓虹燈」
想同另一半DIY簡單又玩味濃的情人節禮物？有！本地霓虹燈品牌neonite霓虹燈工作坊，可自選顏色及兩個中文字，大約兩小時便能完成一個小巧別緻的霓虹燈擺設，既復古又充滿本地特色，仲可以藉霓虹燈製作「愛你」、「世一」等字眼向伴侶示愛，掛在房間內，甜蜜度即時加分，馬上同伴侶一齊報名啦！
霓虹燈工作坊
價錢：$600
2. 必送女朋友！永生皮革玫瑰花
講到情人節，又點可以無花！除了最大路的鮮花選擇之外，近年興起送皮革花，唔會凋謝之餘，仲可以自己DIY花朵款式。位於銅鑼灣的LCM Leather Workshop，有專業導師指導你快速製作皮革玫瑰花，可以自選設計及皮革顏色，盡情發揮創意，自製獨一無二的「玫瑰花」，誠意度滿分！
LCM皮革花工作坊
價錢：$517；原價：$580
3. 低至$190！自製韓式乾花、保鮮花連裝飾燈及絲帶
個個男朋友都買花的時候，自己親手DIY的花絕對無人能及！Manya Art Studio推出自製韓式乾花、保鮮花工作坊，可自選多達10多種花材製作花束，教你裁剪花紙、包紥花束技巧，更可加上裝飾燈及絲帶作點綴。一個花束連禮物包裝袋，人均$200有找，抵試！
Manya Art Studio工作坊
價錢：$190
4. 2人同行85折！"Leave your message" 銅手鐲工作坊
不少情侶都愛打造專屬自己的情侶首飾，Dirty Hands Studio主打紅銅手鐲製作，工作坊主要教授金屬表面處理、打磨、成形及刻字等基本技巧，並以1-4人小組形式進行，就算毫無經驗的學員都能輕鬆掌握竅門。你可選擇自己喜歡的款式、紋理及刻上手鐲的字句，只需跟著簡單的傳統金工步驟便可完成製作。現klook推出2人同行85折優惠，不妨與另一半齊齊享受DIY樂趣！
銅手鐲工作坊
價錢：$350（1位）；$600（2位）
5. 人氣之選！$900自製型格情侶銀器戒指
銀器一向都是情侶首飾的人氣之選，型格得來又有個性。一向主打銀器製作的Let it be the Best Workshop，適逢情人節推出深受情侶歡迎的銀戒指及手鐲工作坊，學員可在專業的業內人士帶領下，親手打造岩石紋質感的情侶銀器戒指或手鐲，不論男女都一樣適合！
Let it be the Best 工作坊
價錢：$900
6. 手錶機芯刻名！香港首個Watchmake機械錶DIY工作坊
禮物上刻名，已經唔係咩新鮮事，但機械錶機芯內刻名，就真係未聽過！香港首個Watchmake機械錶DIY工作坊，你可以同伴侶一齊體驗做製錶師。全店使用日本製機械機芯，有數以百計金屬浮雕刻度、可刻名英文字母以及星座圖案可用，再從超過100款機芯，錶殼，錶面，錶帶，刻度中挑選一套最適合您的配件，並與製錶師於兩小時內親手創造一隻世上獨一無二，專屬於您的機械錶，零手作經驗都可輕鬆參與！
Watchmake 機械錶手作工作坊
價錢：$1980
7. 限時9折優惠！DIY甜蜜心心蛋糕
唔少浪漫嘅伴侶都鐘意趁另一半生日、週年紀念日或情人節等重要日子，親自炮製蛋糕同對方慶祝。但家中未必有足夠空間或足夠配套工具，那麼參加BakeBe的烘焙工作坊便是不錯的選擇。BakeBe提供各種特色蛋糕工作坊以供選擇，場內備有所以烘焙所需設備、工具及材料，跟著App的教學便能輕鬆完成蛋糕製作。情侶合力製作的蛋糕，食落會特別甜啲！
BakeBe 烘焙工作坊
價錢：$560；原價：$600
8. 情人節買一送一優惠！ 無限時自製獨一無二毛氈/掛牆裝飾
近年大受歡迎的毛氈工作坊，整個設計及製作過程都由自己一手包辦。位於觀塘的QQTufting，提供種類繁多的材料，大家可製作地毯 、杯毯 、枱毯、坐毯、掛牆裝飾、毛毛鏡、袋以及飾品。導師會全程教授Tufting編織以及後期修剪技巧。同伴侶嚟DIY更可享買一送一優惠，$300就可以帶走50cmx50cm的畫框毛氈，不論是自用或送給朋友作聖誕禮物，也是不錯的選擇。
QQTufting 毛氈工作坊
價錢：$400；原價：$800
9. 打造夢幻貝殼純銀戒指！2人同行93折優惠
老實說，女人都對戒指款式特別著緊，尤其是情侶戒指。香港本地品牌atarox推出小貝殼戒指體驗工作坊，以1-4人小組形式進行，由挑選貝殼、線鋸切割、退火、戒指成型、銼磨、焊接、酸洗、拋光機使用等，一一教大家由零開始製作戒指，款式超夢幻！二人同行更可即減$50，快啲share俾另一半齊齊DIY啦！
小貝殼戒指體驗工作坊
價錢：$750
10. 全港唯一珍珠導賞團！珍珠首飾DIY工作坊
買珍珠首飾可能買得多，親自開蚌尋珍珠你又試過未？香港珍珠養殖協會的珍珠養殖場位於西貢麻南笏的海域，推出全港唯一珍珠導賞團。參加者不但可了解到香港珍珠歷史及現況，更會由專家指導，親自開蚌尋珠，製作屬於自己的珍珠首飾，還可免費用蚌肉釣魚，體驗夠晒特別！
珍珠首飾DIY工作坊
價錢：$780；原價：$820
11. 二人自製限定靚靚唇膏低至半價！
一年一度情人節當然要扮靚靚同honey一齊渡過。美妝品牌OUT OF COLOURS於尖沙咀設立亞洲首間訂製唇膏體驗館，讓你設計出最適合自己的唇膏顏色。體驗簡單而只需4個製作訂製唇膏步驟，便能親手製造安全又無毒的健康彩妝，現於KKday預約，更可屬享半價優惠，人均$220便擁有一支有色唇膏！
唇膏DIY體驗工作坊
價錢：$220；原價$640
12. 可愛攻擊！情人節限定抱花熊蠟燭工作坊
有邊個女人可以抵擋得了可愛攻擊？想𠱁女朋友開心，一對抱花嘅熊熊蠟燭已經可以！Little Finger DIY推出的抱花熊蠟燭工作坊，不但可製作超cute熊仔蠟燭，熊仔手上的花更可選用擴香石或蠟燭，花下還有暗格位可放小情信，為另一半製造小驚喜！
抱花熊蠟燭工作坊
價錢：$588
13. 人均$280！DIY手工繩結編織心形杯墊
醉心於法式編織創作的Vamacramé微小手造雜貨店主，趁情人節推出繩結編織心型杯墊工作坊，參加者有12種繩結顏色可以選擇，簡單用2小時學懂3種繩結，就算初學者都可以用繩結簡單織出心型杯墊！
手工繩結編織心型杯墊工作坊
價錢：$280
14. 製作3D立體押花字母燈箱低至$427！
押花字母燈箱無論是開燈還是關燈，都是很美的裝飾品。參加者可以選擇自己喜歡的花形、顏色，製作獨一無二的押花字母燈箱。情侶可在燈箱上用英文字表達內心的想法，放在家中作裝飾同樣浪漫！
押花字母燈箱工作坊
價錢：$427；原價：$480
15. 人均$420起製作香氛蠟燭、雪燈燭台！
只需要一支匙羹、一張墊、一支竹籤就可以親手捏出一朵帶有香氣的玫瑰。參加者於3小時課程中，可自選香氛及顏色，親手調色調香製作最啱你心水嘅香薰蠟燭。另外仲可以設計個人的雪燈燭台，整完之後可以擺放茶燭、LED燈令燭台搖身一變小夜燈，整完出嚟嘅效果睇落就好似啲雪融化到一半咁，唯美又有特色！
雪燈燭台工作坊
價錢：$420起
更多優惠推介：
澳門好去處2023｜人氣打卡熱點澳門TeamLab門票人均$179起！佔地5,000平方米藝術世界＋8米高超巨型作品群
