愛回家｜繼蘇韻姿宣佈離開TVB 今傳效力23年「細龍生」鄭世豪快將離巢

憑TVB處境劇《愛·回家之開心速遞》「紅衫魚」熊心如一角成功入屋嘅蘇韻姿（Andrea），上年年初疑因工作態度問題未有改善而遭雪藏，一直會未有回歸劇組。去到噚日（9日），佢喺社交網站宣布離巢TVB。估唔到去到今日，劇集再失去多一個靈魂人物，有傳飾演「細龍生」龍力士嘅鄭世豪亦快將離巢。

鄭世豪喺《愛·回家之開心速遞》中飾演「細龍生」龍力士，經常與家姐「大小姐」龍力蓮（林淑敏飾）為爭奪「接龍集團」及「威龍百貨」承繼權而鬥氣，鬧出笑話連篇。今日有傳鄭世豪因談不攏價錢而決定離巢。

現年45歲嘅鄭世豪加入娛樂圈前做過唔同行業嘅工作，例如首飾設計及電腦程式等等。熱愛唱歌嘅佢喺中學時期已經參加多個歌唱比賽，佢喺接受傳媒採訪時仲話自98年開始參加過一百次比賽，有60至70個獎項，當中包括冠、亞、季軍及多個台風獎。佢仲參加過兩屆新秀歌唱比賽，不過都無緣晉身決賽，所以就報讀2001年嘅無綫藝員訓練班。入行至今23年，佢做過無數次冇對白嘅路人、街坊、士兵及侍應等跑龍套角色，直至近年終憑「細龍生」一角成功入屋，前年更憑《鐵拳英雄》擔正正劇的男配角「畢易」，演技備受讚賞。

另外，有消息指雖然《愛·回家之開心速遞》有兩位重要角色離開，不過就有新角色加入，佢就係2022年港姐冠軍林鈺洧（Denice），佢將會亦「男仔頭」形象加入「初戀cafe」做侍應，唔知大家期唔期待Denice嘅加盟呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！