愛回家|50歲樊亦敏神還原32年檸檬茶廣告 重演陽光妹激似姚焯菲Chantel?

《愛·回家之開心速遞》樊亦敏
《愛·回家之開心速遞》樊亦敏

無綫處境劇《愛·回家之開心速遞》一向受歡迎,但自從補習天王「佐治」張明偉與劇中CP飾演「威龍潘金蓮」Anita嘅梁茵離巢後,劇集就少咗啲討論度,不過近日劇情就被觀眾指好戲連場,連博客健吾都留言:「我應該讚TVB有創作自由,定問佢哋啲編劇take咗咩?」

星期二播出「抽水丘比特」一集亦無令人失望,劇情講述三太白天娥(樊亦敏飾)教導英進(招浩明飾)及歸蜀明(繆家慶飾)追求冠君(謝嘉怡飾)嘅過程中被兩男獻殷勤氹到好開心;劇情重演《喜劇之王》周星馳、張栢芝經典情節,又將樊亦敏1989年經典陽光檸檬茶廣告神還原,除咗鏡頭擺位、場景和動作與當年一樣,樊亦敏仲特登整咗個少女味極重嘅麻花公主頭,青春氣息簡直拍得住當年18歲拍攝檸檬茶廣告及參選《1991年香港小姐選舉》嗰陣。樊亦敏於當年勇奪「最上鏡小姐」,而謝嘉怡亦係2020年香港小姐冠軍兼「最上鏡小姐」,有網民就表示:「樊亦敏到現在都係咁靚,竟然不輸給2020年最上鏡小姐」,又有網民指劇中樊亦敏嘅造型與「國民初戀」姚焯菲(Chantel)撞樣,同埋大讚樊亦敏嘅演繹:「三太角色笑到我痴線」、「希望比多d喜劇三太拍,佢好搞笑」、「三太好charming !」等等。

早前播出「根叔的囍服」一集,講述根叔(劉丹飾)搵嚟「食屎陳師奶」(孫慧蓮飾)改造舊西裝,點知「食屎陳師奶」將其戰衣加裝多個激光發射器,仲喺膊頭投影出「百年好合」及「鸞鳳和鳴」字眼,令觀眾笑破嘴,仲讚係「本年度最精彩」嘅一集。

《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
1989年檸檬茶廣告截圖
1989年檸檬茶廣告截圖
姚焯菲Chantel
姚焯菲Chantel
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!