新人張運兒Yoona擔任一日店長一腳踢 現場獻唱大曬流利韓文 獲fans食客撐場支持備受感動

2024年新人張運兒Yoona，日前現身尖沙咀一間cafe擔任一日店長，過去未曾試過在餐廳打工的Yoona在整個過程中戰戰兢兢，但同時亦感到滿滿的新鮮感，而fans現身撐場亦令她十分感動。Yoona另外亦有現場獻唱，懂流利韓文的她除了演繹自己的作品外，更自彈自唱多首韓文歌，博得熱烈掌聲與歡呼聲。

Yoona日前在尖沙咀的婆婆珈琲屋擔任一日店長，由於店舖內設小賣部，所以Yoona當日身兼多職，Yoona分享道：「我喺喺樓面、小賣部同埋廚房試咗唔同崗位，仲試整咗cocktail同埋甜品。我以前係未整過任何cocktail，今次係第一次。」Yoona在學習製作cocktail的時候份外留心，對於一些小技巧亦樂於多加嘗試，做起來亦有板有眼，得到café老闆的嘉許。試過製作cocktail後，Yoona興奮道：「原來當中有好多步驟，例如要用火槍燒肉桂條，提升cocktail嘅煙燻味，最後裝飾部份亦都要再次用火槍處理，成個過程好好玩好神奇，我亦完成咗人生第一杯cocktail，試飲之後都發現係好好味㗎！」

除了擔任一日店長外，Yoona亦在餐廳中獻唱，除了唱出自己今年推出的兩首新歌〈Hallucinate〉及〈What am I looking for〉外，亦有自彈自唱莫文蔚〈呼吸有害〉、古巨基〈愛得太遲〉，能操流利韓文的Yoona也演繹了FIFTY FIFTY〈Cupid〉、NewJeans〈Supernatural〉及2NE1〈Lonely〉等作品，Yoona特別將歌曲重新編曲，為歌曲帶來不一樣的新鮮感。Yoona演出過後說：「未做歌手之前都試過busking，喺大學同旺角街頭演出，今次喺餐廳演唱嘅感覺又唔同啲，因為有fans同朋友特登過嚟聽，當中亦有一啲walk in嘅食客，好開心可以喺佢哋享受緊同朋友一齊食飯嘅時間，都可以分享我嘅音樂俾大家聽，有啲觀眾仲話好喜歡我揀嘅某幾首歌，聽完都好有共鳴，所以嗰一刻覺得好正，因為可以好近距離同大家互動。」

今次亦算是Yoona首次跟fans見面，她笑言在這個場合相遇很有趣，她說：「我可以用店長嘅身份serve我嘅fans，期間又可以同大家傾下偈、影下相。不過我幫手出菜嘅時候都有少少緊張，但大家超包容我，所以好近距離接觸我嘅fans，完全feel到佢哋好support我嘅感覺。唱歌嘅時候，大家又會靜心欣賞，有時又會俾feedback我，所以今次嘅經歷係好開心。」