新女友被爆結婚一年半閃離 何廣沛被指劈腿 親自回網民︰你能去當編劇

TVB力捧嘅何廣沛日前被爆有新戀情，何亦承認同開設公關公司嘅圈外女友Sarah發展中，希望大家俾啲空間佢地。

不過公開戀情後，有網民指去年11月何廣沛同Sarah去韓國旅行，而佢今年初先冇再喺IG 追蹤傳緋聞傳足6年嘅朱晨麗，懷疑何廣沛一腳踏兩船。

去到今日又有新發展，有傳媒收到爆料指，Sarah原來家境唔錯，但有過一段短暫婚姻，更有指Sarah去年10月先結婚，令何廣沛被指「偷食人妻」同「食軟飯」。

但係後來有人幫手澄清，Sarah的確係結過婚亦離埋婚，但婚期係2021年初，到去年年中同前夫分開，而且本來雙方相處就有問題。爆料人又指﹐Sarah係離婚後，去年底先同何廣沛發展，因此何廣沛成功打甩「偷食人妻」之名。

爆料人同時透露更多Sarah背景。家境唔錯嘅Sarah曾經喺英國留學，回港後於著名公關公司工作，2020年創業自組公關公司。由於唔少客戶都係大品牌，因此識唔少圏中人，Sarah同陳凱琳相當老友。

Sarah被爆結過婚嘅消息傳出後，有網民喺社交平台大鬧何廣沛係「劈腿渣男」，更指何因為偷食而被朱晨麗狠飛，仲放料誣諂朱朱未婚懷孕。而何廣沛就以個人帳戶留言回覆該網民，「我倒是想了解我是怎樣報料，但是你的故事倒是讓我覺得你的幻想力能去當編劇呀」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！