新年最煩嘅唔喺親戚，而喺電視廣告。

每到農曆新年，大家可能都煩緊面對親戚要點樣應對。但對我黎講依樣都唔算喺最煩嘅事，因為新年拜年食親飯最多都係三兩日幾個鐘嘅事，衰啲講句，咬緊牙關忍一忍好快就會過去。但電視上面果種「乜乜祝你新年快樂，萬事順心」嘅新年式廣告就真係煩到冇人有。年初一播到年十五，幾百個唔同廣告但差唔多同一樣內容，果種悶除左直播奧運我諗唔到有啲乜可以同佢一鬥。

新年出到街十間鋪有八間休息，去旅行貴到仆直，喺屋企真係冇乜好做。上網上到悶諗住打開電視睇下，你會發現除左某一兩個牌子肯花下心機拍條正常少少嘅新年廣告之外，其它品牌都係喺啲爆竹聲鑼鼓聲做背景下講兩句祝賀廢話就收工。有幾多個人睇完半個鐘電視之後記得有咩品牌賣過廣告？我就冇。如果一個廣告吸引唔到人，令人冇印像，其實賣左等於冇賣，啲廣告商係咪咁鍾意倒錢落海？喺依啲日子就算可口可樂年年都喺果個「爽到震」嘅廣告都好，我都覺得已經係最難忘之一嘅廣告。

其實如果其中有一個做廣告嘅有啲腦，肯喺依個時候做個特別啲嘅廣告就已經足以令人印像難忘。但偏偏咁多年以黎大家都安於現狀，無聊廣告賣足十幾年都唔變。反正錢都喺要洗，點解唔洗多少少換大好多嘅效益？定佢地真係以為你比乜香港人就吸收乜（雖然好似係）？五年前嘅我每到新年都比電視折磨，所以五年後嘅我決定左由今日開始，我出去打牌又好，搵比朋食完團年飯再宵夜都好，我唔會再睇部電視。

一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材