施政報告｜公屋居民批舉報獎賞機制易遭濫用 憂助長「人民鬥人民」分化街坊︱Yahoo

【Yahoo新聞報道】特首李家超任內第三份《施政報告》 加大力度打擊濫用公屋，宣佈明年1月推出「善用公屋資源獎勵計劃」，為提供確切情報舉報濫用公屋的人士提供獎賞。多名公屋居民認為舉報機制未必有實質效用，但易被濫用，助長「人民鬥人民」的風氣。

「睇你唔順眼，我隊（舉報）你都好呀」

彩虹邨街坊蘇先生居於該區10年，形容目前公屋鄰里之間不太熟絡，「個個都閂埋道門，我哋呢啲成日開工嘅，返到去都觀察唔到啲咩」。他亦指，香港人對舉報文化不太受落，「以前一路喺香港大嘅人，唔會覺得有咁嘅需要，你要咁無恥繼續喺度住嘅，我哋都無辦法」。他續指，舉報機制原意即使是好，最終或被濫用，「睇你唔順眼，我隊（舉報）你都好呀，又無責任嘅！呢啲就係人民鬥人民」。

「搞咁多嘢做咩啫，你仲可以點樣獎賞我呀？」

鄭小姐也於彩虹邨居住10多年，她認為政策「咁刻意去做無意思」，「你唔會理解人哋點解有段（時間）會唔喺屋企㗎喎，你唔會一日到黑睇住，因為你一句影響到人哋就唔好啦！」鄭早年為彩虹邨委員，與一眾街坊相熟，她不擔心街坊感情會被分化，「其實如果街坊大家感情係好嘅，都唔會有呢啲嘢啦！」她續指，彩虹邨為舊屋邨，街坊的背景、經濟狀況相似，「住得呢啲，大家都知咩環境，個個都期望快啲轉去新環境，我仲搞咁多嘢做咩啫，你仲可以點樣獎賞我呀？畀間新嘅（公屋）我呀？」，但認為政策在新落成的屋邨或會比較有效。

「分化街坊，搞到風聲鶴唳」

到彩虹邨遊覽的林先生本身為大埔公屋戶。他則認為政策會影響街坊感情，「分化街坊，搞到風聲鶴唳」。不過實際上即使舉報有獎賞，他亦認為效用不大，「而家啲人唔會貪你一千幾百」。