旅遊門外漢先會：揀頭幾行、唔坐機翼位 搭飛機六個小貼士

平機票近年愈出愈多，而去旅行當食生菜的你，分分鐘今晚買聽日就上機，搭飛機就肯定唔陌生。但人搭飛機你搭飛機，點樣先叫搭得精明，你又知唔知？尤其係長途機，個個搭親都嗌辛苦（除咗坐頭等商務個啲喇吓），想知點搭先係最爽最精，就等小編同你分享吓搭飛機的小貼士喇！

1. Online Check-in

家下大部分的航空公司都提供24小時前的Online Check-in服務，唔單止有得揀位，仲可以揀埋食乜，如果揀特別餐，仲可以快人一步有野食。

2. 唔好揀頭幾行

特別係長途機，千奇咪以為自己好醒，揀得愈前落機愈快，無錯呢點係啱，但如果架機有BB的話，就恭喜哂你，因為通常有BB的家庭都會被安排坐前面，姐係話咁你就全程機都無覺好訓喇！

3. 識揀一定揀機翼位

原因好簡單，因為每當遇到氣流，機翼位係成架機的中間，亦都係最唔顛簸的位。

4. 吉樽過境

大家都知唔可以帶超過100ml的液體過境，帶定個吉樽過境目的就係入咗境都仲可以去水機斟水，尤其係外國機場，一支水閒閒地支收你幾蚊美金，上到機唔洗渴到爆。

5. 手機手錶較定時差

反正係飛機都無咩好做，不如較定曬啲手機手錶 (iPhone唔洗啦)，去到同朋友約出發或集合時間都方便D。

6. 帶定零食

皆因飛機零食離不開都係花生、餅乾、杯麵，撞正個日個飛機餐難食既話，餓起上黎都唔知點算，帶定啲私家零食最穩陣。

相片來源：jhadask＠tumblr