【獨家快閃1送1】9品和牛寶盒 人均$84起嘆日式燒肉套餐

召喚各位食肉獸！今次OpenRice同牛魔推出獨家限時優惠，供應CP值極高嘅午、晚市套餐，仲連brunch都有～只要訂座同時預訂以下套餐，即享半價或者買一送一優惠，睇吓邊款啱你啦～

牛魔寶盒燒肉盛宴二人餐 買1送1

想一口氣食勻高質靚牛嘅話，推介你試呢個套餐，有齊9款由淡味至濃味嘅美國、澳洲M5/M6/7和牛，以及A4宮崎和牛。肉食用華麗嘅寶盒呈上，打開仲有煙霧效果，打卡一流啊～當中以A4霜降沙巴當同A4上等雪花牛小排最為肥美，均勻嘅大理石紋油花，燒起嚟油香十足。

套餐包有前菜同主食，買1送1後可以試齊晒清新開胃嘅梅酒番茄同豆腐沙律配胡麻醬。主食則可以3選2，分別有松露⁠和牛炒飯、松露雞肉炒飯同韓式辣豆腐海鮮湯。其中⁠和牛炒飯加入日本同澳洲和牛粒炒成，食落份外惹味；而韓式辣豆腐海鮮湯則以牛骨湯為基調，再加入章魚、蜆、大蝦等海鮮，好足料呀！

二人前和牛Brunch Set 半價

二人前和牛Brunch Set提供4款肉食，分別有入口即融嘅老饕澳洲M4/5和牛肉眼同牛板腱、爽口帶嚼勁嘅牛舌、自選天然豚肉五花腩或雞髀肉。五花腩會配上生菜同韓式豆瓣醬，可以一餐試晒日韓口味𠻹。

套餐包埋前菜梅酒番茄沙律、土佐豆腐同埋2份蘭王蛋拌飯，將蛋黃拌勻米飯，一啖肉一啖飯夠晒滿足！

牛魔三品Combo午市燒肉套餐 買1送1

一人燒肉都可以食得好豐富，而呢set午市套餐集齊牛舌、牛五花同牛板腱，3款部位輪住燒，可以食到唔同嘅口感層次，絕對係牛麝王首選！食燒肉又點少得醬料呢？午市燒肉套餐提供11款醬料（自選3款），例如自家調配嘅焙煎胡麻汁、柚子胡椒汁、黑松露燒汁都好特別。

隨餐附上御飯，牛骨湯同沙律，最後以是日雪糕或雪葩同特飲作結，食完一定元氣滿滿、叉足電呀。

獨家快閃半價優惠＋買一送一：（按此）

牛魔

地址：尖沙咀棉登徑8號地下5-6號舖