星野源被指偷食女主播 10億日元收買周刊封口 老婆新垣結衣公開澄清
日本藝能界尋晚爆出大新聞,有八卦爆料KOL「揞名爆」,指某位勁有名女演員同男歌手因為合演電視劇而交往仲結埋婚,但婚後男歌手偷食日本NHK女主播,本來日本某周刊打算元旦爆料,但男歌手經理人公司出10億日元封口費畀雜誌。爆料人又指,女演員同男歌手已經離婚,而新婚女主播就因為被揭有婚外情而被老公趕走,要流連網吧棲息。
雖然係「揞名爆」,但唔少人一睇就估事件主角係拍日劇《逃避雖可恥但有效》(又稱《月薪嬌妻》)而撻著嘅星野源同新垣結衣。至於女主播就係早前同星野源合作過嘅林田理沙。
消息一出震撼整個日本同亞洲,唔少新垣結衣fans都話要對付星野源,但係未夠一日新垣結衣就喺社交平台X表示,正在議論嘅緋聞並非事實,請大家放心。而星野源所屬公司都出聲明,否認有關爆料所講嘅事,亦表明未有出錢冚住報導。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!