是日噏day：你知道香港是電梯之都嗎？

這星期，舉世震驚嘅「巴拿馬文件」（Panama Papers)，爆出香港係為全球政要清洗金錢嘅第二大聖地，差少少就超越瑞士。雖然香港一定唔似得冰島咁有總理會因此下台，但對於咩都鍾意爭第一嘅呢個國際都會黎講，梗係有少少唔忿氣啦，係咪？

成日話，香港就黎俾內地城市取代，咁究竟有咩係第一嘅呢？諗呢個問題時人在中環，先諗起：「係喎，條中半山自動扶手電梯咪全球第一架囉。」翻查之下，發現香港嘅扶手電梯資料非常有趣。（當然唔係有趣在會「炒梯」啦) 作為花生大過天嘅香港人，甚麼巴拿馬文件咁唔花生嘅野就唔多講啦，一陣被人用自己方法過關咪死？不如睇下香港電梯嘅一D有趣資料好過。

(圖片來源：香港攝影師William Lau BLOG)

1．全球最長戶外電梯系統
點解要講明系統呢？因為單條最長係聖彼得堡地鐵站嗰條，137 米長。但如果計組合起黎，中環呢條全長800米，垂直計有成135米嘅，係最長嘅電梯系統，由18條自動梯組成。

2．第二最長
喺中半山電梯系統建成之前，本來去玩去癲黎Ocean Park嘅海洋公園係最長，有成220米。屈居第二之後，全球排名及後再跌兩位，變咗第4。

(圖片來源：攝影師Baycrest作品)

3．香港戶內最長
將軍澳香港知專設計學院嘅中空電梯，除咗造價高昂以及發生過「炒梯」意外以外，其長度亦係香港第一。全長51.5米，高度為25.75米。可能你以為大家熟悉嘅朗豪坊同iSquare電梯唔係長D咩？其實唔係，分別長度係42米同41米。

(圖片來源：singfui.blogspot)

4．弧型電梯
我細細個就諗，究竟TimeSquare連卡佛落地牢CitySuper條弧型電梯，咁靚，係咪全球唯一呢？原來唔係，只係香港唯一，澳門威尼斯人都有一條。

5.最長緩衝區

沙田新城市廣場條電梯，唔知大家有無留意，未開始斜上去嘅平坦區長度特別長。原來因為要配合商場本身結構之外， 呢個部份長D，亦可以令速度較快嘅電梯有緩衝，更加安全。

text/ Tyler Li