晒泳衣照謝票去到盡 鄧麗欣點名林明禎接力：要勁過我嘅！

鄧麗欣早前上載泳衣照派福利，答謝影迷支持電影《飯戲攻心》，她期待林明禎出手慰勞觀眾，指明禎BB謝票要比她更有誠意：「要勁過我嘅！」

鄧麗欣（Stephy）、張天賦（MC）、洪嘉豪、陳蕾、ANSONBEAN等昨日在中環出席品牌活動，Stephy最近忙於為已衝破7,300萬票房的電影《飯戲攻心》謝票，問到目標是否1億？她笑說：「唔敢講。」已派泳衣照「找數」的她被追問可再有新相分享？她笑說：「冇喇！都已經咁，仲想點，其實呢件仲性感過三點式。」她將慰勞影迷的重任交給林明禎與王菀之，她笑說：「睇吓佢哋幾有誠意，有幾尊重呢件事囉，要勁過我嘅，明禎BB一出手，唔難嘅，好期待。」

她指不會多想票房要贏《明日戰記》，認為對方的冠軍寶座不是浪得虛名，覺得電影百花齊放是好事，又指古天樂有份投資《飯》，其實是雙贏。明年她將拍新戲，又透露大家也催促《飯》導演陳詠燊寫新一輯，但未知是續集還是新故事，指成績如此好，相信他一定壓力好大，自己到時一定會度期拍攝。

MC洪嘉豪「分手」

至於洪嘉豪將到西九開騷，問到身旁的MC是否嘉賓之一？MC笑說：「唔會做嘉賓，可能公司安排咗嗰日有工作，我哋真係分咗手。」嘉豪則笑言「分手」就要徹底，現在已變回好兄弟。怕熱的MC對戶外開騷有興趣，但先要完成明年的一個室內騷，雖然盛傳在紅館舉行，但他指要留待公司公布。