雅虎香港新聞 
暑假親子遊！新加坡必去景點 愛麗絲互動展+迪士尼限定活動
相片來源：breathtakingdestinations @tumblr
新加坡距離香港只有4個鐘既機程，喇沙、海南雞飯又係港人最愛，好多人都會快閃新加坡去食下野休息下。除了大家熟悉嘅魚尾獅公園同環球影城外，新加坡原來仲有室內瀑布滑梯同夜間動物園，好適合一家大細去玩樂，暑假去新加坡的話，千祈唔好錯過以下景點！
星耀樟宜
星耀樟宜係新加坡機場，一落機就可以玩！星耀樟宜佔地13.57萬平方公尺，有10層樓咁高。館內有世界最高室內瀑布「雨漩渦」，岩晒大家影相打卡。場內仲有多達280幾間特色品牌與餐飲商店，全力血拼之外，又有地方休息。新開幕的「星空花園」加入七項親子遊樂設施，包括250米蹦跳網道、50米網狀步道連結成的宏利天空之網、新加坡最大的樹籬迷宮和鏡子組成的迷宮世界、奇幻滑梯等設施，媽媽去瘋狂買野的同時都唔使擔心小朋友會悶親。
相片來源：新加坡旅遊局
新加坡夜間動物園
新加坡動物園有11個展區，大家可以同動物互動交流之外，新加坡動物園隔離的「夜間野生動物園」仲係全球第一個展示夜間動物既野生動物園！大家可以係一片漆黑中，找尋動物去向。另外仲有「河川生態園」俾大家探索亞馬遜河既水底奇觀。如果會係今年暑假去的話，新加坡動物園、夜間野生動物園會同迪士尼真人版電影《獅子王》聯手舉辦「Circle of Life Festival」限定活動，迪士尼粉絲千祈唔好錯過！
相片來源：singapore zoo
Circle of Life Festival
舉行日期：即日起至2019年8月31日
詳情：按這裡
藝術科學博物館
去藝術科學博物館絕對係一個長知識的機會！場館外有一個大蓮花池，館內又有唔同的3D設施俾大家學習建築美學。今年暑假仲有館方展出愛麗絲奇幻世界的「仙境」互動展，帶領遊客遊走電影場景，踏上愛麗絲奇妙之旅。仲有同teamLab聯合舉辦「超躍未來」展覽，打造15項前衛數位裝置藝術，之前teamLab去到邊都成為熱潮，大家又點可以走寶。
The Wonderland Experience
舉行日期：即日起至2019年9月22日
詳情：按這裡
