校長

「中國人叫中華民族，唔好再搞咩香港民族呢樣野！」

在電台訪問裡，當被問到學校推行國民教育和港獨時，梁校長義正詞嚴地說出這一番話。事實上，梁校長一直以來都以身為中國人而無比自豪。

「如果一個人，對國家無認同感，無自豪既話，佢根本唔配做呢個國家既人，更加唔好講爭取啲咩，好似依家香港一啲年青人，成日話要搞港獨講咩香港民族，我覺得呢啲野係好無稽，係香港生活，你就要認為中國人架啦。」

國家，對梁校長來說，就像母親一樣，也許有點不堪，但所謂子不嫌母醜，生為中國人，怎可能不認這個祖國呢？看到那些年青人，動不動就說要獨立，梁校長更加覺得在學校推行國民教育是對的。

「一個人，如果話要背棄佢既祖國、話要移民既話，我係好鄙視呢啲人，如果我既仔女係咁，我寧願當無生過。」

談過嚴肅的話題，訪問來到下一節，談到家庭，未開始問梁校長已莞爾一笑，原來他當外公了。

「係啊，個女一早移民去英國落地生根，啱啱仲生咗個女。」想起牙牙學語的外孫女，那個得意模樣，還有在媽媽的教導下用英文叫他一聲grandfather，梁校長笑得就更高興了。

在主持的連聲恭喜中，梁校長談到他的湊女經，「最重要係培養興趣，好似我個女咁，自細對學習有興趣，我咪送佢去英國，我覺得為人父母，有能力就應該俾一個好既環境仔女，好似人地外國咁，無論係讀書定係社會，好過香港同大陸幾多，真係無得比架。」

梁校長特別欣賞國外的教育制度，人家不是香港那種填鴨式應試教育，學校不是為了把學生訓練成一群考試機械，而是培養對學習的興趣。

梁校長說，那時決定送女兒去英國，夫妻兩人不是沒有掙扎，「果陣都怕個女一個人去英國，會唔會唔慣？」但視女兒為命根的梁校長最終還是下定決心送女出國，這一切無非是因為兩個字：父愛。

訪問完畢，剛走出電台就見到街上又有人示威爭取港獨，看到這些年青人，梁校長感到痛心疾首――點解唔可以自豪咁認自己係一個中國人呢？他不明白，只覺得他們太無知，不明白祖國的偉大和美好。梁校長深信，當有朝一早他們長大了，或者生兒育女之後，就會後悔今日的所作所為，就會明白到，祖國就像母親一樣。

堂前燕Facebook Page：http://www.facebook.com/r1r.patpat