洪助昇出道兩周年慶祝派對 《造星》後等足三年出道 ：唔知做唔做到歌手，好氣餒

日前，洪助昇（Aiden ）粉絲「熊仔糖」為他舉行出道兩周年慶祝派對。Aiden到場前，fans早已到達場地蒹悉心佈置，場內貼滿了Aiden由《全民造星2》時參賽直到現在的相片，無論台上台下、又或是電影電視等劇照，現場又不停播放Aiden的歌曲，十分有心思。

隨後Aiden一到場，全場fans立即起哄，場面熱鬧。提到出道兩年，Aiden坦言感動，因為參加完選秀節目《全民造星2》後，一直擔心能否實現願望成為歌手，「比賽之後要去等一個機會成為歌手，其實有好多因素，亦都有好多未知之數。好多謝公司選擇咗洪助昇令到我可以真係成為歌手。」轉眼間出道兩年，Aiden謂要加快腳步，儲多點歌，希望能擁有一個屬於自己的個人show。

現場所見，有不少fans是從《造星》已開始支持Aiden，「我記得《造星》之後有一段時間好氣餒，但佢哋不斷咁鼓勵我，等我出道，等咗差唔多三年，所以好多謝佢哋對我嘅堅持、多謝佢哋俾力量我。好多時候佢哋話我俾到力量佢哋，但其實真真正正我可以堅持到落去，係因為佢哋。」期間，有fans向Aiden送上水泡，原來是跟他早前推出的新歌《你不是我的岸》有關，他笑說：「我首新歌係講『沉船』，有好多fans佢哋都有沉船嘅經歷，所以佢哋送水泡俾我，希望我唔好沉船，可以自救。」他透露歌曲於數碼平台得到很多正面的迴響，十分開心，「而家好努力去籌備下一首歌，希望盡快可以同大家分享。今年多咗好多自己嘅input，拍咗唔同嘅reels，搵咗唔同嘅朋友合作，嚟緊都會拍多啲唔同content，令到觀眾或者粉絲可以更加認識Aiden唔同嘅面向，有更多嘅作品去報答大家。」