雅虎香港新聞 加密幣富豪「薯條哥」極速起落事蹟 Apple 投資開拍成電影︳電影LOL
而家睇新聞，見到情節離奇少少嘅，都會諗「幾時拎嚟拍戲？」。
之前見到加密幣富豪「薯條哥」Sam Bankman-Fried被捕嘅新聞，睇埋佢以加密貨幣快上快落嘅故事，都估到一定有片商打主意。果然，根據外媒Variety報導，Apple 連同近年冒起嘅獨立片商A24，已經買下由Michael Lewis 記載「薯條哥」故事嘅小說Going Infinite: The Rise and Fall of a New Tycoon，打算改編成電影。
2019年Sam Bankman-Fried成立加密幣交易所FTX，令「薯條哥」風頭一時無兩，成為身家數以十億計嘅年青富豪，FTX亦一度係全美最大加密幣交易平台。不過去到2022年，FTX有用戶發現存入嘅大筆資金不翼而飛，而「薯條哥」就著草去咗巴哈馬。後來Sam Bankman-Fried被引渡回國，被控詐騙、洗黑錢魏罪名，去年11月法官判罪名成立，今年4月被判囚25年。
原著提到Sam Bankman-Fried開zoom會時同時打機，又將資金用作買「薯條哥」個人資產，可想而知，由佢冒起到淪為階下囚嘅故事幾咁多起伏，甚至幾似《華爾街狼人》撈《社交網絡》。據報導，呢套戲將會由女創作人Lena Durham編劇，佢曾經為HBO劇Girls做導演同監製。
更多電影文章
《魔法壞女巫》玩具包裝印錯AV網站網址 Mattel致歉︳電影LOL
《變形人魔》35年後再拍新續集 人體混入烏蠅基因成核突驚慄片經典︳電影LOL
《孤疑》落實拍第3集 女主角已經27歲點扮不老症？︳電影LOL
《機動戰士高達》荷里活真人版電影 講足6年終於落實導演人選 傳明年開拍︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
