港姐2022︳首位紋身佳麗入三甲 梁超怡 「老豆」係梁朝偉?

梁超怡

今屆港姐結果塵埃落定,被稱為「翻版孫藝珍」嘅梁超怡本來係賽前大熱,但曾被踢爆手上有紋身,好在無損評判分數,加上喺美國讀書時有選美經驗,最終穩守三甲,並奪得「最上鏡小姐」。梁超怡曾經解釋紋身係紀念因病離世嘅女友,佢亦好聽話喺參選後將紋身「遮遮掩掩」,一係著長袖衫,一係就搵遮瑕膏冚住,IG po相都盡量影唔到「重要部位」。聽教聽話,難怪做到史上首位「紋身港姐」!

今年26歲嘅梁超怡,細個原來係童星,拍過廣告之外仲拍過戲,而佢更加演過膾灸人口嘅電影《無間道》!戲中梁超怡飾演蕭亞軒個女,其中一幕蕭亞軒飾演嘅阿May,同舊愛陳永仁(梁朝偉飾)偶遇,寒暄一會之後梁超怡出場,陳永仁問小女孩幾大,阿May謊稱5歲,仁離開後女孩提醒媽媽自己今年6歲,觀眾立即明白陳永仁係女孩爸爸!

港姐2022︳大熱之一梁超怡 「老豆」係梁朝偉 偶像係劉德華?
港姐2022︳大熱之一梁超怡 「老豆」係梁朝偉 偶像係劉德華?

當年梁超怡只有6歲,戲份只有2場,另一場戲已經係參加陳永仁葬禮。早前參與宣傳活動時,梁超怡話自己偶像係劉德華,但希望可以再次同梁朝偉及劉德華合作。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!