炎明熹珍藏Fans信：係大家嘅心意

藝人陳凱琳與炎明熹昨日出席活動，一展廚藝，陳凱琳表示做媽咪後開始學煮食：「試過煮畀老公（鄭嘉穎）食，佢食咗一啖就Um一聲，我問佢咩意思？佢話有進步空間，算好體諒我嘅，哈哈！」她自爆將雪櫃中的食材放在一起煮，笑言想創新：「其實啲嘢唔夾，佢食完仲話『你依家知道點解出面冇呢味餸啦！』」

至於近日首嘗主持滋味的炎明熹表示，會在節目中讀出Fans來信：「出道到依家都有Keep住粉絲們嘅信，係大家嘅心意。」陳凱琳大讚她性格爽朗，表達能力好，絕對勝任主持工作。