雅虎香港新聞 Yahoo Travel HK
為旅行你可以去到幾盡？
為咗旅行你可以去到幾盡？一個英國女子Milly Westwood喺2007年，啱啱大學畢業，厭倦倫敦嘅生活，決定要搵到適合自己嘅天空。20出頭嘅佢，一起飛，就離開倫敦十年咁耐。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
當時嘅Milly去到印尼，喺一個衝浪天堂，遇到佢嘅愛情。佢同一位衝浪客相戀，過住好悠閒嘅二人世界。眨下眼，Milly就到30歲，佢唔想再留喺咁夢幻嘅生活，決定同男朋友搬到歐洲，可惜，因為生育嘅問題，同男朋友意見有分歧，最後分手收場。去到塞爾維亞嘅佢，好快就搵到另一段愛情，不過，今次呢段愛情橫跨大西洋，邁阿密與塞爾維亞之間嘅長距離愛情，同大部份嘅Long D一樣，分手結束。已經31歲嘅Milly，再去到西班牙南部加的斯省嘅漁村，又好快同一位當地男仔相戀。Milly話，唔知會唔會永遠留喺果度，但過去十年嘅教訓，話俾佢知，佢得到嘅唔會喺飛機上搵到。
現年32歲嘅Milly，同男朋友住喺一個沙灘上嘅小屋，每朝早跑步，每日都去同事嘅媽媽屋企食飯，飲下紅酒，過住悠然自得嘅生活。
結束第二段愛情嘅時候，其實Milly好想返到自己嘅屋企，因為佢掛住佢家人同朋友。不過，雀仔始終係雀仔，選擇繼續飛，先飛到去宜家嘅加的斯省。
留住Milly最長時間嘅印尼，因為當時嘅愛情之外，亦因為當地生活同倫敦好大差別。佢喺一間國際學校教戲劇，收入唔錯，當地物價指數亦好低。佢果陣有工人，屋企有泳池同司機。
更多相關文章
