無預警出席無綫團拜 許子萱蒲頭搶Fo 林鈺洧轉軚唔撐

「失蹤」多時的港姐亞軍許子萱昨日突然現身無綫活動，賣口乖表示樂與公司簽30年長約。而林鈺洧早前指許子萱外遊才缺席活動，但突然「改口供」說：「我唔知佢咩原因請假！」

無綫昨日在將軍澳電視城進行新春團拜，由主席許濤主持儀式，同場有應屆港姐林鈺洧、梁超怡與邢慧敏，「失蹤」多時的許子萱突然現身，成為全場焦點！由去年底開始她一直缺席港姐活動，有傳她抵受不了娛樂圈壓力，要求與無綫解約。

願簽30年合約

團拜期間，許子萱玩Bingo遊戲時連中3次，司儀朱凱婷向高層笑言中了3次Bingo，是否要與公司簽30年合約？高層樂易玲即點頭讚好。而許子萱受訪時回應「失蹤」傳聞：「同公司請咗兩個幾月假，因為選港姐之前做金融公司，所以要返內地交接番啲工作，依家可以專注港姐工作。」提到與網民開火，她說：「呢位先生騷擾咗我好耐，仲打電話畀我，客觀嘅意見我會改進，但如果係人身攻擊，我會隊番佢！」問到可願意簽30年合約？她笑言：「公司肯先算，可能公司都嫌我呢，自己當然希望啦！」

而早前指許子萱因旅遊請假的林鈺洧，昨日卻支吾以對說：「可能佢去散心、旅行，我都唔知佢咩原因請假，不過佢已經返嚟，等佢遲啲想講就講。」此外，許濤在台上致詞表示，今年無綫除了會鞏固本業內容創作，亦會加速發展高增長業務，例如新媒體業務、內地與海外業務發展及跨平台電商，希望各位同事繼續發揮創意，全力以赴為無綫創造佳績。