玫瑰的故事︱「神仙姐姐」劉亦菲超強背景曝光 學歷曾被質疑造假

TVB外購劇集《玫瑰的故事》正熱播，劇集改編自1981年當代小說家亦舒嘅同名長篇小說，由劉亦菲、佟大為及萬茜主演，劉亦菲於劇內飾演「黃亦玫」一角，亦係佢首度挑戰媽媽角色。第七集劇情講到，方協文（林更新飾)對亦玫死纏爛打，亦玫喺感情上開始懷疑自己嘅價值和地位，唔想成為胡琳眼中嘅「第三者」，於是選擇保持距離，成為劇情亮點。有「神仙姐姐」封號嘅劉亦菲因劇集人氣再創高企，不過原來佢曾被質疑其學歷？

劉亦菲有著超強家世背景，生於武漢，並於1993年入讀幼稚園，10歲跟住媽媽到美國生活，5年後完成完初中及高中學分，不過卻被網民質疑如何喺5年內完成本來應該共7年嘅學業。之後，劉亦菲14歲獲北京電影學院錄取；據悉，著名校友包括趙薇、黃聖依、楊冪等藝人，學院入學淘汰率相當高，規定要以外籍學生身分應考，同時須擁有外國護照以及完成高中學業。因此，劉亦菲被質疑其錄取資格，遭批評濫用特權。

一班網民當時更到北京電影學院微博下留言，要求學院解釋招考劉亦菲嘅過程及其資格。後來，學院回應指，由2000年1月31日起，《高等學校接受外國留學生管理規定》規定外籍留學生須高中畢業或具有同等學歷，外籍人士只須參加專業考試，不須參加文化課考試，指劉亦菲持有美國護照、美國國籍和高中畢業證書，又經過三輪專業考試，符合外籍留學生入學資格和入學水平，事件因而平息。另外，劉亦菲之所以取得美國國籍原因係，當年劉亦菲媽媽與武漢大學外語學院法文系教授老公分開後，帶同劉亦菲赴美，與華人律師結婚。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！