疫下 BL 迷增加 全港唯一 BL 漫畫店盼為腐女平反:不為興趣感羞恥

「糧食供應所」共有5位店長,包括Konnie(右)及Diane(左)。
「糧食供應所」共有5位店長,包括Konnie(右)及Diane(左)。

【Yahoo 新聞 LGBTQ 系列報道】改編自日本電視劇的港版《大叔的愛》在港掀起一股 BL(Boy's Love)熱潮,電視框外,多位腐女三年前已早著先機,開設本港唯一 BL 漫畫店「糧食供應所」,為同好提供釋放自己的空間。店長透露,疫情雖令店舖收入減少,卻令不少人因打發時間而「入坑」接觸BL作品。兩人開漫畫店的初衷是為BL平反,希望一眾腐男腐女無須為興趣而羞恥,「希望大家可以當呢樣嘢係普通娛樂」。

文字記者:盧珮瑤

攝影記者:Davies

記者踏進「糧食供應所」,就被超過300本漫畫簇擁。書架標示了「職場」、「慎入」等漫畫類別,還有「不懂分類的好西」。若問 BL 對店長Diane和Konnie的意義,該店無線網絡密碼已提供答案:「No BL No Life」。

少少鹹 多多浪漫

BL 泛指男男戀愛作品。媒介包括漫畫、小說,廣播劇,甚至桌遊。Diane指,BL 的起源可追溯至60年代的日本,一批少女漫畫家創作當時被稱為「少年愛」的題材,如竹宮惠子的《風與木之詩》,「好多歐洲貴族風,畫風都比較似少女漫畫」。80年代則多了一批同人誌作者,涵蓋清新甜蜜到慾望感官等風格,如尾崎南的《絕愛1989》,「嗰陣故事多數係bad end,八、九十年代興畸戀題材,社會風氣亦無咁開放」。90年代BL一詞正式出現,題材、尺度越見開放。

不少港人帶有色眼鏡看BL,兩人卻覺得「有愛大過天」,「BL有好多障礙,但兩個人都仲要一齊,鹹嘅包裝最終都係追求一種終極浪漫」。

Diane推介《如果30歲還是處男,似乎就能成為魔法師》;Konnie則喜愛探討愛情與慾望的《Color Recipe》。
Diane推介《如果30歲還是處男,似乎就能成為魔法師》;Konnie則喜愛探討愛情與慾望的《Color Recipe》。
店中亦有不少BL漫畫相關產品。
店中亦有不少BL漫畫相關產品。

因《百變小櫻》「入坑」好友斥「變態」

20多歲的 Diane 與 Konnie 已累積十多年「腐齡」,都因《百變小櫻》「入坑」。Konnie 小四時看過《百》後,在網上看到小櫻爸爸的BL同人小說,「睇睇吓發現開始 H(性愛),好驚即刻熄咗,但成晚囉囉攣」。禁忌特別吸引,她繼續躲在被竇細閱,自此「腐眼開光」,卻遭好友斥「變態」,「我好重創係咁喊,想掉晒啲BL漫做返個『正常人』」,但始終念念不忘,繼續追看,「人哋唔理解你咪算,呢樣嘢令我開心」。

Konnie也會看異性戀漫畫,但當中有太多性別定型,「成日有一見鍾情、女仔要同男人生仔咁」。BL題材則更多元,如女裝攻、男士亦會懷孕的世界觀(ABO)等,顛覆傳統性別概念。對Diane而言,BL是接觸性文化的空間,「亞洲女仔好容易raised to be afraid of sex,但睇BL我可以appreciate呢件事」。同志朋友亦更願意向她「出櫃」,「BL係一個契機去了解多啲LGBT文化,面對緊咩問題,我可以點樣幫到佢哋」。

兩人均在小學時期《百變小櫻》相關BL同人作品而「入坑」。
兩人均在小學時期《百變小櫻》相關BL同人作品而「入坑」。
Konnie指,小學時曾與一位好友分享自己喜歡看BL,但對方稱她「變態」令她大感傷心,更想過放棄所有BL珍藏。
Konnie指,小學時曾與一位好友分享自己喜歡看BL,但對方稱她「變態」令她大感傷心,更想過放棄所有BL珍藏。
Konnie正職是一位插畫師,亦有創作BL作品。
Konnie正職是一位插畫師,亦有創作BL作品。

「希望匿喺被竇睇 BL 嘅小朋友唔使再驚」

Diane小時候到信和漫畫店租BL漫畫,「一開始會覺得自己做錯事,一行埋去就會有人望住你」。故此她與同好開店,「希望可以令到仲匿喺被竇睇緊BL嘅小朋友唔使再驚,想話畀人知睇BL唔一定係『電車男』咁」。該店2019年初於尖沙咀開業,前年小舖換大舖搬至旺角,共有5位店長,以「小天使」稱呼客人,「唔想用先生小姐嘅定型去稱呼,嚟得嘅都係天使般嘅好人」。店中客群由7歲到60多歲,「見過父母上嚟幫個女買,又會一齊睇,親子關係反而close咗」。

店藏逾300本漫畫,店長們將它們逐一分類,亦設非18禁「兒童區」,讓未成年讀者享受BL樂趣。
店藏逾300本漫畫,店長們將它們逐一分類,亦設非18禁「兒童區」,讓未成年讀者享受BL樂趣。
位於旺角的「糧食供應所」分為零售區和收費閱讀區,BL迷可到店內揀選心頭好。
位於旺角的「糧食供應所」分為零售區和收費閱讀區,BL迷可到店內揀選心頭好。

Konnie續指,疫情雖令店舖收入減少,但讀者仍會在網店買書,「無睇開BL嘅人都會問有咩推介,因為屈得喺屋企太耐,反而多咗人睇BL」。兩人指香港BL文化比日、韓、泰落後,希望本地有更多原創作品,她們亦有創作短片和漫畫。各地BL作品都富本土特色,她們的短片故事包括咖啡師與打工仔的愛情故事,取景自觀塘,「有得做就盡做,希望大家可以當呢樣嘢係普通娛樂,你鍾意做gym、整甜品,我鍾意睇BL都係一樣」。

兩人希望店舖可讓BL迷「做自己」,消除坊間對BL的標籤。
兩人希望店舖可讓BL迷「做自己」,消除坊間對BL的標籤。

【Yahoo 新聞 LGBTQ 系列報道・逢星期二、四推出】

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能