【羅生門】鍾舒漫與行內人合作做生意被騙 真身曝光原來係陳潔玲?

鍾舒漫 & 陳潔玲

今年8月歌手鍾舒漫(Sherman)於社交網站自爆被行內人騙財,又聲稱事件已交由律師處理,佢話:「其實...想問吓...我俾行內人呃咗錢,錢唔係問題,但我真心唔想姑息養奸,我想問可以點做。」隔咗3個月,事件終於有突破性發展,原來佢所指呃錢嘅行內人係陳潔玲(Christy)。

事源係陳潔玲與鍾舒漫及其緋聞男友林灝軒(Steve)打算喺疫市一齊投資防疫噴霧生意,但中間發生咗啲唔開心嘅事,所以決定退股。Steve成功獲全數退款,但Sherman到而家都未成功退款4萬元,事件已入稟小額錢債審裁處,並將會於12月底審理。

但陳潔玲嘅版本就有少少唔同,佢直認係鍾舒漫口中嘅「呃錢行內人」,事件亦都係合作產品拆夥,Sherman就退股事件俾咗兩個選擇佢,一係俾返錢佢,一係就俾貨品佢。而陳潔玲就話俾返貨品佢,但需要簽協議書,不過Sherman唔肯簽,所以貨品一直放喺倉庫。Sherman唔簽協議書嘅原因係覺得唔公平,所以堅決唔肯簽名,但其實份協議書都仲未草擬。

Steve Lam Facebook
Steve Lam Facebook

今日Steve喺社交網站出PO指已經由3月忍到今日:「但對方說話水份日益嚴重,事件過程亦並沒有悔過之心,不斷變本加厲,與其男友謝先生一直騷擾本人身邊朋,所以公開少部份對話以示公義」。而鍾舒漫喺中午亦有與IG出Story:「經一事,長一智,只是人生的一課,做好自己就夠!」,疑似就事件回應。

鍾舒漫 IG Story
鍾舒漫 IG Story

另外報道亦稱Steve指陳潔玲曾經講過話想出寫真集,仲問佢借過兩本裸體模特兒嘅書,不過之後就被陳潔玲周圍話佢性騷擾,仲騷擾Steve屋企人。不過陳潔玲就話冇講過佢性騷擾,仲話Steve唔係正常人可以溝通到,所以已經全數退款。

雙方12月底將要上法庭對質,誰是誰非,好快會知。

鍾舒漫
鍾舒漫
鍾舒漫
鍾舒漫
鍾舒漫
鍾舒漫
鍾舒漫
鍾舒漫
鍾舒漫
鍾舒漫
陳潔玲
陳潔玲
陳潔玲
陳潔玲
陳潔玲
陳潔玲
陳潔玲
陳潔玲
陳潔玲
陳潔玲