美國人最愛全球邊個城市?日本古城拎首奪冠
要數香港人最愛城市相信不外乎幾大熱門,分別係台灣、日本、韓國當中嘅熱門城市,其中日本之中又有眾多熱門城市各有捧場客。不過原來遠在世界另一邊嘅美國人同樣熱愛日本,近期由著名旅遊雜誌《Conde Nast Traveler》就公佈由全美國人投票選出「全球最愛城市」,第一位就係日本古城京都!
京都由去年第二位殺上今年第一位,首奪美國人最愛城市,而四屆冠軍東京就跌去第六位。雜誌評論京都「可以近距離感受10世紀興建的寺廟及藝妓和舞妓。同時擁有100多間米芝蓮餐廳,及非常傳統的日本清酒和琴酒。」其實京都已經於早前另一本雜誌《Travel+Leisure》中獲得唔少美國人評選項目中嘅冠軍,可見美國人係何其咁喜歡京都呢。不過由於疫情,京都今年遊客量只有去年同期嘅0.02%呢!
相關文章: