美食新聞報道｜陳奐仁懶理脂肪肝拼死食好西 蔡景行「超級電視迷」成入行原因

《美食新聞報道》今晚（26日）星級飯腳是歌手陳奐仁（Hanjin），早年他來香港發展，除了動人歌聲深入民心，他的包包面及圓鼓鼓身形，亦成為標記。近年Hanjin由「肉男」變身筋肉人，他在節目中解釋發奮減肥的原因︰「嗰時好肥呀，見醫生時佢恐嚇我，話我有脂肪肝危機，佢話一係食藥、一係做運動，我死都唔食藥啦。」Hanjin笑言每日要食160克的肉類，保持現在的巨胸童顏身形。

行仔同Hanjin今集會在西環搵食「拼死」食好西，他們先後品嚐韃靼牛肉、酥炸五花腩、雙層芝士漢堡、Turkaz釀羊肉茄子船及雜錦燒烤拼盤等美食。HanjIn提到下月初將舉行《陳奐仁Raw Jazz 15周年爵士音樂會》，他直言爵士樂跟威士忌非常匹配，他笑說︰「啲人成日話聽爵士飲威士忌係絕配，非常認同。你可以飲完酒入場睇（演唱會），到中場好舒服咁補下飛（威士忌），到完騷再出去nightcap先返屋企，就非常美滿。不過飲完酒千祈唔好揸車。」

節目中行仔跟Hanjin玩互問互答遊戲時，揭出行仔「超級電視迷」身份。事緣Hanjin問到主唱的《沒時間後悔》，是無綫那一套劇主題曲時，行仔輕鬆講出答案為《怒火街頭》。但Hanjin意猶未盡繼續追問相關問題，難得行仔都能一一應對，令在場人仕驚訝。事後行仔接受訪問時笑言當日有部份為爆肚問題，他笑說︰「好彩我又識，我的確係『超級電視迷』，亦都係呢個原因，我先想做一個演員同埋報訓練班。」行仔透露作為『超迷』最喜歡是《誇世代》一類劇集，當中牽涉靈魂交換、時空穿梭等天馬行空內容。

此外，今集Carmaney介紹一間位於尖沙嘴的小店，由只提供外賣，到太受歡迎加設堂食，三款必食招牌小吃︰鹹蛋黃炸燒賣、XO醬羊肉炒腸粉及特厚玉子燒配甜酸火龍果醬。Carmaney推介燒賣時還亮出招牌介紹手勢，她形容燒賣口感為「外脆內軟好似棉花糖」，配上火龍果醬的玉子燒，開胃又好味。